والله انا بقالي كام يوم بطوف بين أنظمة الريجيم المختلفه وحسيت إن عقلي لف
بس انا استقريت على نظام هو من تأليفي ومعرفش هيجيب نتيجة ولا لأ
وهو ان هخفف الاكل واقلل جدا من النشويات (أرز ومكرونة وعيش وبطاطس)
وبس ،يعني مش هجوع نفسي ولا همشي على نظام معين
وهمارس رياضة لمدة ساعه يوميا وما شاء الله قسم الرياضه هنا يجنن وفيه كل حاجه انا محتاجاها
وكمان هشرب شاي الريجيم وده بيتباع عندنا في مصر في الصيدليات
وهشرب كوب يومي بعد الغداء شاي اخضر وجنزبيل
لو في حد عايز يجرب معايا النظام ده ونشجع بعض اهلا بيه
وياريت اعرف رايكم في النظام ده حلو ولا لا
مع العلم ان انا عايزه اخس على المدى البعيد ومش مستعجله اهم حاجه اني اخس من غير ترهلات لان الترهلات عندي اوحش من السمنه
هستنى ردودكم يا احلى عضوات لاجمل منتدى
وكل عام وانتم بخير
أسأل الله أن يبلغنا جميعا رمضان ويجعلنا جميعا فيه من الفائزين
دمتم بكل الخير
والله انا بقالي كام يوم بطوف بين أنظمة الريجيم المختلفه وحسيت إن عقلي لف
بس انا استقريت على نظام هو من تأليفي ومعرفش هيجيب نتيجة ولا لأ
وهو ان هخفف الاكل واقلل جدا من النشويات (أرز ومكرونة وعيش وبطاطس)
وبس ،يعني مش هجوع نفسي ولا همشي على نظام معين
وهمارس رياضة لمدة ساعه يوميا وما شاء الله قسم الرياضه هنا يجنن وفيه كل حاجه انا محتاجاها
وكمان هشرب شاي الريجيم وده بيتباع عندنا في مصر في الصيدليات
وهشرب كوب يومي بعد الغداء شاي اخضر وجنزبيل
لو في حد عايز يجرب معايا النظام ده ونشجع بعض اهلا بيه
وياريت اعرف رايكم في النظام ده حلو ولا لا
مع العلم ان انا عايزه اخس على المدى البعيد ومش مستعجله اهم حاجه اني اخس من غير ترهلات لان الترهلات عندي اوحش من السمنه
هستنى ردودكم يا احلى عضوات لاجمل منتدى
وكل عام وانتم بخير
أسأل الله أن يبلغنا جميعا رمضان ويجعلنا جميعا فيه من الفائزين
دمتم بكل الخير
طبعا طريقتك جميلة بس مقلتيش انتى كام كيلو وعايزة تنزلى لكام انا ناوية اتبع النظام دة بس لما انزل لوزن معين يعنى انا كنت 137 يعنى لو مشيت بالنظام دة اوصل للوزن المثالى مع سن الياس هههههههههههه طبعا بهزر بس يكون شبابى عدى قولى ممكن امشى علية لما اوصل ان شاء الله 90 كيلو يعنى ابقى فى المعقول وبعدين انزل على راحتى انا ليا تجمع للاوزان فوق ال100 كيلو يا ترى انتى وزنك كام
الله يوفقك يا زهرة مصر وتوصلي للوزن المثالي
الله معاكى ويوفقك يازهرة مصرية وتوصلى لكل اللى تتمنيه
بس للاسف انا حاولت امشى كده كتير على التخفيف لانى زى حالتك عايزة اخس ومش مستعجلة لكن صعب جداا انا اتعودت انى علشان اخس لازم اتبع نظام معين ويكون كمان قاسى
والمشكلة انى عارفة ان ده غلط وبياثر بالعكس
وكمان انا قريت كتير ولقيت ان طريقة التخفيف دى مع الرياضة ومنع العشاء جميلة جدااا وبتجيب نتايج حلوة بعد فترة
لو هاتتبعى شئ معين قوليلى يمكن اتبعه معاكى …………..
وعلى فكرة انا كمان مصرية بس عايشة فى الخارج وبجد مصر واهلها وحشونى كتير
وكل عام وانتى بخير
على فكرة نسيت اقولك انى ايام الجامعة اتبعت نظام تخفيف مع دكتور
ومشى ساعة يوميا وخسيت عليه حوالى 20 كيلو فى خلال سنة
بس للاسف بعد الزواج والحمل رجعت ريمة لعادتها القديمة
لو نقدر نلاقى انظمة زى كده نتبعها ونوع كل فترة هيبقى كويس كتير
والنظام اللى انا كنت متبعاه هذه الفترة هو نظام سيبوترم لو تعرفيه موجود بالصيدلية
اتبعبه الفترة الاولى بدون الكبسول وبعد كده اخذت الكبسول بصراحة جميل بس المشكلة ان بعد ماتبطليه تبدئى تحسى بالجوع بطريقة غبية
انتظرك ردك يامصرية ياقمر
هههههههههههههههههههههه
إن شاء الله حبيبتي تنحفي بصحه وأنت في ريعان شبابك
وانا وزني الان 89 كيلو وطولي 172 يعني تقريبا عايزة انزل 15 : 20 كيلو
اشكرك حبيبتي على مرورك الغالي
جزاكي الله خيرا اختي الحبيبة على مرورك الغالي
تقبل الله منك دعائك ولكي بالمثل ان شاء الله
بس للاسف انا حاولت امشى كده كتير على التخفيف لانى زى حالتك عايزة اخس ومش مستعجلة لكن صعب جداا انا اتعودت انى علشان اخس لازم اتبع نظام معين ويكون كمان قاسى
والمشكلة انى عارفة ان ده غلط وبياثر بالعكس
وكمان انا قريت كتير ولقيت ان طريقة التخفيف دى مع الرياضة ومنع العشاء جميلة جدااا وبتجيب نتايج حلوة بعد فترة
لو هاتتبعى شئ معين قوليلى يمكن اتبعه معاكى …………..
وعلى فكرة انا كمان مصرية بس عايشة فى الخارج وبجد مصر واهلها وحشونى كتير
وكل عام وانتى بخير
انا اساسا بكره الريجيم القائم على الحرمان لاني اشعر فيه بهوان مش عارفه ليه
يعني صعب جدا انا اجهز الاكل لاولادي وبعدين اعد اتفرج عليهم
والريجيم القاسي بيفكرني بالمريض_حفظك الله من كل سوء_ الذي يمنعه الطبيب من الاكل
ليه ربنا ينعم علينا بالصحه واحنا نعذب نفسنا مع العلم ان انا مشفتش واحده مشت على ريجيم قاسي وارتاحت
بالعكس بتفضل في دوامة الريجيم على طول
وكل عام وانت بصحه وسلامة وعلى فكرة انتي كمان وحشتي اهل مصر
ربنا يردك لاهلك بالسلامة وانتي سعيده ومحققه كل امانيكي
اتبعبه الفترة الاولى بدون الكبسول وبعد كده اخذت الكبسول بصراحة جميل بس المشكلة ان بعد ماتبطليه تبدئى تحسى بالجوع بطريقة غبية
انتظرك ردك يامصرية ياقمر
صراحه معرفش ايه النظام دهوطالما زي مانتي قلتي يبقى بلاش منه كده هتخسي ولما تبطليه تزيدي الضعف
والله انتي اللي قمر يا غاليه
الف شكر على ردك الجميل
دمتي بكل الخير
