أنا عضوة جديدة في هذا المنتدى
بدي أبدا مشاركاتي بوصفة كيك النسكافه كتير سهلة و كتير خفيفة … بتمنى تحبوها
المكونات
كوب حليب + كوب سكر + كوب زيت نباتي ( ذرة أو عباد الشمس) + كوب طحين
بيضتين + ملعقة كبيرة فانيليا + ملعقة كبيرة بيكنغ باودر
ملعقة كبيرة مسحوق الكاكاو + ثلاث ملاعق كبيرة نسكافيه
طريقة التحضير
نخفق معاً الحليب و السكر و الزيت و الكاكاو و النسكافيه حتى يذوب السكر تماماً
و بس يجهز هالخليط مناخذ منو كوب و نحتفظ فيه بالبراد
ما تبقى من المزيج نضيف له البيضتين و الفانيليا و نخفق قليلاً
نضيف كوب الطحين و ملعقة البيكنغ باودر و نخفق حوالي 5-10 دقائق
منكون مجهزين القالب ( قالب ندهنه بالزبدة و نرش عليه شوي كاكاو )
نصب عجينة الكيكة في القالب و نضعها في فرن محمى مسبقاً على الدرجة المتوسطة (180 درجة سيلسيوس)
نخبز الكيكة 35-40 دقيقة و منطلعها من الفرن و ننتظر حوالي ربع ساعة لتبرد شوي..
هلق حان وقت الإثارة….
نقلب الكيكة على صحن التقديم و لازم يكون شوي عميق (له حواف) لأنو رح نجيب كوب الصوص اللي كنا حطينا بالبراد و نسكبه على الكيكة….
وااااااااااااااااو شو طيبة صدقوني
…….
و عنجد صحتين بتمنى تجربوها و تحبوها….
وصفة ممتازة وشكلها شهية ..
في انتظار مشاركاتك المصورة من مطبخك
دمت بود
منتظرررين تطبيقك بالصوووور
موفقه