هدا اول موضوع لي بالمنتدى
واتمنى يعجبكم
انا حابة اعرفكم على
(كيكة الكراميل)
هي الكيكة طبق الحلو المفضل عندي
رح اكتبلكم الطريقة
بس الصور للأسف ما عندي
لانو مابدي اسويها واخرب الرجيم
المهم
مقادير الكراميل
- بيضتين
- زرف سكر فانيليا (ملعقتين صغار سكر فانيليا)
- كوب سكر
- كوب حليب
طريقة عمل الكراميل
نخفق البيض ونحط معو الفانيليا
بعدين نحط كوب السكر ونخلط منيح
نحط كوب الحليب فوقن ونحركو
ونحط المزيج على جنب
وهلاء ناخد صينية الفرن اللي رح نعمل فيها الكيكة ونحط فيها نص كوب سكر ونذوبو على النار
بعد مايصفر لون السكر نحط الصينية على جنب لحتى تبرد
وناخد صينية تانية تكون اكبر من الصينية اللي رح نسوي فيها الكيكة ونعبي نصا بالمي ونحطا عالغاز حتى تغلى
وهلاء صار وقت الكيكة
المقادير
- بيضتين
- زرف سكر فانيليا(ملعقتين صغيرتين سكر فانيليا)
- كوب سكر
- كوب حليب او اذا مافي حليب كوب عصير برتقال
- نص كوب زيت
- كوبين طحين
- زرف بيكنج باودر (ملعقتين صغيرتين )
- 4 ملاعق كبيرة كاكاو
الطريقة
نخفق البيض ثم نضع الفانيليا
نضع السكر ونخلطهم جيدا
نضع كوب الحليب يليه نصف كوب الزيت
واخيرا نضع كوبين الطحين مع البيكنج باودر والكاكاو
ناخد الصينية اللي ذوبنا فيها السكر رح يكون برد السكر وجمد نحط فوقو اول شي خليط الكراميل
وفوقو خليط الكيكة
ناخد صينية الفرن اللي عبيناها بالمي اكيد تكون المي غلت او تقريبا رح تغلي
طبعا نكون محميين الفرن ونعملو على درجة حرارة 180
نحط صينية الكيك جوا صينية المي
ونحطن سوا بالفرن
تحتاج تقريبا لساعه حتى تستوي
بعد ماتستوي نخليها تبرد شوي ونقلبا
وكولو بصحة وهنااااااااا
جربوها وادعولي
×××××××
بس هالوصفة شكلها لذيذة
ونحنا كمان مابدنا نخرب الريجيم بس يعطيك الف عافية
كيكه رآآآآآآآئعه
وبإذن الله تتحقق أمانيك ياقمر
بس هالوصفة شكلها لذيذة
ونحنا كمان مابدنا نخرب الريجيم بس يعطيك الف عافية
الله يسلمك يارب
الله يعينا على تكملة الرجيم بشكل صحيح
نورتي بمروورك
كيكه رآآآآآآآئعه
وبإذن الله تتحقق أمانيك ياقمر
اسعدتني اطلالتك الرائعة