كيكة التين والجوز
كيكة التين والجوز
غالياتي أسعد الله اوقاتكن كيكة اليوم عملتها كمان لمسابقة حلويات العيد ورح قدمها مع باقي الحلويات ويارب تعجبكن
كوب وربع طحين
نصف كوب كاكاو
كأس زيت أونا
3بيضات
م ص فانيليا
م ك بيكنغ بودر
صحن تين
صحن جوز مع جوزالهند وقرفة
كوب سكر
كوب لبن ولأن ماعندي اضطريت حط عصير فريز
نخفق البيض مع الفانيليا ثم نضيف السكرونضيف العصير ونخفق
نضيف الكاكاو
ثم الجوز مع جوزالهند والقرفة الناعمة مشان ينخلط منيح ويعطي طعم روعة
ثم تضيفي الطحين يلي منكون نخلناه مع البيكنغ بودر
وتسكبيهم بقالب وتضعي عليهم التين لو بدك يعطو شكل من فوق عشكل الغمازات عند النضج
لأن أثناء انتفاخ الكيك رح يحاولو التينات يغوصوا لتحت ومن كتر تقلهم ما حيقدروا فيعطي شكل غمازات عالسطح أما لو بدك سطح مستوي للكيك صبي نصف كمية الكيك وضعي فوقها التين ثم النصف المتبقي
وهاد الشكل النهائي
وكل عام و أنتن بخير
تسلم ايديك وخصوصا التين
فوق الكيك روعه
شكلها لذيذه
وكمان مفيده
بارك الله فيك