ابناؤنا امانة في أعناقنا وتربيتهم مسؤولون عنها أمام الله أولاً وأمام المجتمع
في رحلتي مع تربية ابنائي وبالرغم من صغر سنهم
الا انني واجهت الكثير من المواقف
في بداية الامر ربما تعاملت معها بشكل خاطئ
لكن لله الحمد وفقت بالوصول الى كثير من الطرق التي ساعدتني على توجيههم الى الطريق الصحيح
قصة قبل النوم وجدتها من افضل وانفع الطرق في توجيه الابناء وجعلهم يختارون السلوك الصحيح بإرادتهم
دون الحاجة الى مواجهتهم .
عندي ولدان أحمد 4,5 واسماعيل 3,5 , مثل كل الولاد يحبون اللعب والشيطنة وتكسير الاغراض واخفائها
وتسليتهم الكبرى إنهم يجننوني ولله الحمد
وكنت مهما وجهتهم وأقلهم "ماما مابيصير هيك " لازم تكون شاطر يا حبيبي يا عيني
"لا حياة لمن تنادي" أحس الحديث مو موجه الهم "يمكن للحائط" وقتها يطلع الجنان
مرة ورا مرة حسيت انو الصراخ ما يجيب نتيحة ابدا
وصارو بس يعملو شي وأقوم عليهم يهربو
ههههههههههههه
اجتني فكرة حكاية قبل النوم بس مو متل كل حكاية اجيب كتاب واقرالهم قصة او اقولهم من الحكايات المعروفة
لاااااا اخترعت شحصية اسمها " سمير الكسلان"
وكل يوم سمير يعمل خطأ " طبعا الاخطاء أختارها من الاخطاء اللي بيعملوها اولادي"
وصرت اخبرهم كيف انه كل خطأ له نتيجة سيئة وبما انو أولادي متعلقين بأبوهم كتيير
" طبعا مدللهم ولا بيضربهم ولا بيصيح عليهم هي مهمتي 
"
تكون نتيجة الخطأ ابوه لسمير زعل منه او حرمه من المصروف والأكلات الطيبة وبالنهاية سمير بيعرف خطأه
وبيقرر ما يعيده ابدا .
بيروح وبيعتذر من بابا وماما , وبس ماما وبابا يشوفوه صار شاطر وماعاد كرر الخطأ بيكافؤوه
وتوتة توتة خلصت الحتوتة
بصراحة ابدا ما توقعت النتيحة كانت رااااائعة اولادي تعلقو فيها وصارو كل يوم يطالبو فيها وانا اختار اخطائهم
وكل ما ذكرت خطأ بيقولولي انا ما بقا اعمل هيك ماما انا شاطر
وبالنهار اذا واحد منهم عمل الخطأ بنقلو انت متل مين ؟؟؟؟ وياويلي بس تقوليله انت متل سمير الكسلان يبكي ويقول
لااانا شاطر ويجي يقلي ماما ما بقا اعمل هيك
بصراحة شعرت انها طريقة كتير ناجحة وفادتني بتغير سلوك أولادي بدون الحاجة الى الصراخ
او اي وسيلة تأديبية تانية
بيكفي قله انت متل سمير حتى يتراجع 
.
وتوتة توتة خلصت الحتوتة حلوة ولا فتفوتة
الله يعطيكي حتى يرضيكي فكرة حلوة يا عمري بس شريره هههههه
الله يخليهم لك و يباركلك فيهم
تم النشر و اكيد التقييم قبل الكلام
خخخخخ
فكرة حلوة و شررريرة
وانصحك وستغلي انهم صغار و مافي مدارس و لا تضيعي يوم من غير ما تقرأيلهم لان بكرة يكبرون و يكبر همهم و ما تصير تعجبهم القصص
تسلم ايدك حبيببتي
جزاك الله خير على الجهد الطيب
واصلي