اليوم درسنا متعب شويه بس ان شاء الله النتايج بتكوون روعه
و كتير مننا بينعجب فيها و بيتمني انه لو يعرف ازاى اتصورت
طيب ايه رئيكم لو نطلع نتائج نفس الصوره دي
حتى لو بكاميرا تليفونك بس تكون مش اقل من 2 بيكسيل
يلا مع بعض نشوف ازاي نطلع نتائج زي دي و احسن
~ ورشة العمــل ~
مثل ما احنا شايفين
لوح زجاجي …~
لاب توب ….~
كاسات …~
ارضيه سوداء او قماش اسود تحت اللوج الزجاجي ..~
اللوان طعام …~
ماء…~
العمل …..~
نقوم بوضع القماش الاسود علي السطح و لازم تكون اعلي من الكيبورد بتاعت اللاب
ثم نضع اللوح الزجاجي علي القماش
ثم نملئ الكاس بالماء و نضع فيه اللوان الطعام عشان يلون
طبعا لازم نختار لون الخلفيه المناسب مع لون الطعام اللي في الماء
اهم شئ ان لا يوجد اضاءه في الغرررفه تماما يعنى غرفه معتمه
لان بيكفينا ضوء شاشه اللاب توب
و نبدأ في التصوير
طبعا نصور صور كتييييييررررررررررر و نختار منهم الافضل
و طبعا بعد ما نخلص بنستخدم الفوتوشوب
و نطبع اللي عملناه في الدرس السابق
بس الزياده ازاي نكتب اسمنا على الصوره بطريقه حلوه
بعد تعديل الصوره بنحتار اداة T عشان نقدر نكتب و نروح على الصوره و نضغط بالموس و نسحب مربع الكتابه
و نبدأ بكتابة اسمنا داخل المربع
بعد كتابة الاسم نقوم بتظليل الاسم و نروح نختار شكل الخط اللي احنا عايزينه سواء عربي او انجليزي
بعد ما انتهينا من الكتابه نضغط من الكيبورد Enter عشان ننهي الكتابه
و نروح لمربع الـ Layers و نقوم بالضغط علي الاسم و بعدها بنلاقي في اسفل المربع علامه الفلاش " F " داخل دائره
نضغط عليه بتظهر قائمه نختار منها ثانى خيار Drop Shadow
و تظهر لنا هذه النافذه …
ابدأ اللعب في خيارات مربع Structure لحد ما اوصل للظل المطلوب و بعدين اضغط على OK
ارجع تانى لقائمه Layers و اضغط على الاسم و اروح لكلمه Normal و افتحها و ابدا اختار الشفافيه اللى تناسب الصوره
بعد ما خلصت الصوره ممكن ازود لمسه عليها
اروح لقائمه Layers و اختار منها New و اختار منها Layer
نروح لمربع الالوان و اختار اللون اللى يناسب الصوره عندنا
نذهب لمربع الادوات و نختار منها اداة الدلو
نعبي الصوره باللون بالضغط عليها و بعدين نذهب لمربع Layers و طبعا بنكون مختارين الليير الجديد اللى فيه اللون و نروح على كلمه Normal و نبدأ نغيرها
لحد ما نوصل للنتيجه المطلوبه
و هذي هي النتيجه
ان شاء الله يكون الدرس عجبكم و استفدتم منه
مبدعه جدا جدا
والتصوير هايل خالص
ربى يسعدك
درس راائع .. تسلم ايدك حبيبتي
احلى تقيم
تستاهلي احلى تقييم و اعجاب
وان شاء الله انزل تطبيقاتي في موضوع واحد لكن من غير شغل فوتوشوب
تسلم ايديكي ياعسل