طبعا الكل عارف عجينة العشر دقايق …
غيرت باضافات بسيطه وطلعت رهيبــــه ,,, والكل جربها وقال لي روووعه ,,وطعم خيالي,,
نبدا بالمقادير والطريقه والصور خطوه بخطوه ,,,
باستخدام الكوب المعياري ,,,
2كوب طحين منخول / ربع كوب سكر /1 ملعقة طعام خميره / 2 كوب ( علبة حليب ابو قوس سايل واضيف له ماي دافي حتى يكتمل كوبين ) كما هو مبين بالصور ,,
واضربهم بالخلاط ,,,
اغطي العجينه واتركها عشر دقايق ,,,وهذا شكلها بعد العشر دقايق
اضيف لها نص كوب زيت زيتون
وبعدها اضيف له 3 اكواب طحين,,, واعجنها ,,وهذا شكلهااا
وهنا شكلها بعد ماتركتها تتخمر ,,طبعا احطها تتخمر بالحوووش نص ساعه شووفوو شو سوت فيهاا
الحين بقول لكم التغيرات اللي غيرتها في المقادير ,,,,
بدل 3 ملاعق طعام حليب بودر + كوب وثلاث ارباع الكوب ماء ( اضفت في الكوب المعياري علبه حليب ابوقوس وكملتها الى كوبين ماء ).
وبدل نص كوب زيت حطيت نص كوب زيت زيتون .
بتشوفون النتيجه الحين قدامكم ,,,بس هالعجينه ماتحشين فيها اي شي ,,,لان طعمها بيكون فيه زيت زيتون ,,
تحشينها بزيتون ,بجبن, زعتر ,لبنه,, ,,,,يعني الحشوات لازم تناسب على طعم الزيت زيتون اللي بالعجينه ,,,
يعني هالعجينه مثل عجينة المطاعم الايطاليه لخبزهم لما ناكله تحسين بطعم زيت زيتون بالعجينه ,,,
الحين براويكم انواع الجبن اللي استخدمتها وانواع الزيتون اللي استخدمتها ,,,والخطوات ,,,والنتيجه النهائيه ,,,
قطعت العجينه دوائر وبديت احشيها بهطريقه ,,,
وبعدها الفها عادي واهم شي اقفل جوانبها علشان اذا ساح الجبن مايطلع براء ,,,
وهذ بعد ماحطيت تحتها طحين وصفيتها بالصينيه ودهنتها بالحليب ورشيت عليها سمسم ,,,
وهذا بعد ماطلعتها من الفرن,,,
وهذا شكلها من الداخل ,,,
الحين بحشيها بنوعين من الزيتون ,,
اول نوع زيتون اسود قطعته وشلت النواه , ثاني نوع زيتون اخضر محشي بليمون ,,,تابعو معاي الطريقه والخطوات
طريقت لفها الزيتون الاسود مثل طريقه لف الجبن
وهنا بعد ماحطيت تحتها طحين وصفيتها بالصينيه ودهنتها بحليب ورشيت عليها زعتر ,,,
وهذا بعد ماطلعتها من الفرن …
وهذا شكلها من الداخل … محشيه بزيتون
هنا استخدمت نوع جبنه بيضا وحطيت معاها نعنااااع ,,
ولفيتها بهطريقه….
وطبقتها على بعضهااا,,,
برمت اطرافها وحطيت تحتها طحين ودهنتها بحليب وخليتها تتخمر وبعدها دخلتها الفرن
وهنا شكلها بعد ماطلعتها من الفرن,,,
وهنا شكلها من الداخل ,,
طبعا اهم شي
1/ بعد ماتحشين العجينه يكون عندك صحن فيه طحين تحطينها فيها من تحت بس علشان العجينه ماتلصق بالصينيه ,,
2/ تدهنينها بحليب فرش وماتخلينه يسيل علشان مايحترق وتلصق العجينه بالصينيه ,,
3/ ترشين عليها اللي تبين ( سمسم , زعتر, حبه سودا, بارميزان شيز) حسب رغبتك,,
4/تخلين العجينه تتخمر ,,
5/ تدخلينها الفرن سااخن خذت معاي 20 دقيقه .
شـكــ وبارك الله فيك ـــرا لك … لك مني أجمل تحية .