مرفق 10 صـــــــور لعجايب الحجاب …. شوف و أتعجب
نظراً لأن البشر منذ بدء الخليقة برعوا فى التحايل على كل قانون ربانى
وأمتدت أساليب التحايل و الخداع حتى يومنا هذا لتضع بصمتها على كل شئ ….
سأخذكم اليوم فى جولة سريعة لفنون التحايل و النصب باسم الحجاب … والتى جعلت منه أضحوكة
(أنظروا إلى الصور واتعجبوا )
رقم (1) فى عجايب الحجاب السبعة
الكـــــــــــــــــاريــــنا
تـــعريف الكارينـا ( لمن لا يعرف ) : هو بادى أسترتش يلتصق بالجسم …
ويكون مزود بأكمام طويلة (علشان الذراعين ما يظهروش ..يا سلام على الحشمة ) ….
وأذا ارتدت الفتاة الكارينـا فيمكنها ان ترتدى فوقه أى شئ تريده (نص كم او مفتوح الصدر اى حاجة وخلاص) المهم ان البدى غطى جسمها …
ياسلام على التحايل و الخداع … خدوا من القانون الربانى فى الحجاب مبدأ (ستر كل البدن ) ….
وتجاهلوا انه لازم لا يصف و لا يشف
المصيبة الكبرى : أن الأب و الأم بيكونوا فاكرين أنه ده الحجاب الصح طالما ان مفيش جزء من جسم بنتهم باين …
رقم (2) فى عجايب الحجاب السبعة
المــــــــــــــايوة الشــــــــــــرعى
والله الأسم لواحـــده يــــضــحك …
طبعاً لأن العقل البشرى مفيش حدود بتوقفه .. فأخترعوا حكاية المايوة الشرعى ده علشان البنات و الستات المحجبات اللى عايزين ينزلوا المية زى الناس العادية ..
تعريف المايوة الشرعى ( لمن لا يعرف ) : هو مايوة يغطى الجسم كله ولا يظهر منه الا الوجه و الكفين ….
بس فيه مشكلة بسيطة أوى …
إن المايوة بيكون ملتصق بالجسم … يعنى تفاصيل جسم المرأة كلها بتكون واضحة ..
(مشكلة بسيطة صح)
حسبى الله و نعم الوكيل
رقم (3) فى عجايب الحجاب السبعة
العبـــاية و ما أدراك ما العبـــــاية
للوهلة الأولى تظن أن العباية هى أفضل زى للمرأة الملتزمة …..
– للأسف هذا كان المفهموم القديم قبل أن تظهر الأنواع الجديدة
العباية الحالية … تعرف بأسم العباية المخصرة …
وهذه العباية تبرز تفاصيل الجسم بشكل مستفز .. بالأضافة إلى النقوش البارزة و اللامعة
بأختصـــــــــــــار أنا أمنح هذه العباءة جائزة أفضل عملية نصب و تحايل لأعوام 2024 – 2024 – 2024 على التوالى
رقم (4) فى عجايب الحجاب السبعة
البنطلـــــون الجــــــــينز
هذا ســــأسميه أم الـــــــــكوارث
التعريـــف : هو غنى عن التعريـف ..
طبعاً لا يخفى على أحد أنتشار البنطلون الجينز بين المحجبات كأنــــتشار النار فى الهشيم … إلا من رحـــــــم ربى
والبنطلون الجينز مفيش منه مقاسات واسعة … هو بطبيعته بياخد شكل الجسم .. وبيجسد كل حاجة ..
يعنى مفيش أفضل من وصف المصطفى عليه الصلاة والسلام كاسيات عاريات شــــــــوف البلاغة
رقم (5) فى عجايب الحجاب السبع
البـــــوت طــويل الــــــرقبـــة
وعلشان البنت المحجبة ما تحسـش انها متخـلفة عن خطوط الموضة …. قدموا ليها أخر صيحة …
لو عايزة تلبسى جــيبـة عند الركبة …. بس أنتى محجبة
ولا يهمك .. الحل عندنا !!!!!!!!!
جيبة عند الركبة + بوت طويل الرقبة
مبروك المشكـــــلة أتحلت … وطبعاً مفيش حاجة من جسمك باينة ..
قمة التحايل و النصب .. اللهم أستر بنات المسلمين
رقم (6) فى عجايب الحجاب السبعة
ربــــــــطات الـــــحجاب
طبعاً علشان كل بنت محجبة حست بالنقص بعد تغطية شعرها اللى بتعتبره تاج جمالـــــــــــها ….
قاموا بتعويضها عن ده بانواع الربطات المختلفة …
أشكال و ألوان و تداخلات غريبة … والله ملفته أكتر من الشعر العادى
وأنا مش هتكلم كتير شوف الصور وأحكم
وكمــــــان علشان المرأة العملية كثيرة الحركة … اللى بيخنقها ربطة الحجاب التقليدية أخترعوا ليها الربطة الأسبانية Spanish …
وده أتباعاً لمبدأ ( الــــدين يــــســـر … )
رقم (7) فى عجايب الحجاب السبعة
مساحيق التجميل – المكياج – Make Up
بناءاً على قول: ( انه الله جــميل يـحب الجـــمال ) ..
فيحق لكِ سيدتى أستخدام كافة أنواع مساحيق التجميل … و اتباع أحدث خطوط المكياج العصرى …
مع مراعاة عدم ظهور الشعر (ديه أهم حاجة عندنا علشان ترضى ربنا )
بجد هو ده المفهوم عند البنات و الأباء و الأمهات فى هذه الأيام ….
ونسوا ان حتى الطيب البرفان محرم على المرأة أذا خرجت من بيتها
عن أبي موسى الأشعري قال : قال رسول الله صلى الله عليه وسلم :”أيما امرأة استعطرت فمرت على قوم ليجدوا من ريحها فهي زانية ”
طيب اللى وجهها لوحة من الألوان و الأيحاءات …يبقى حالها أيه
اللهم طهر عقولنا و قلوبنا من الزيـــغ و الهــــوى
وللتـــــــــــذكرة … مع ان الكلام أصبح لا طائل منه فى زمن ماتت فى القلوب و جفت فيه دماء الغيرة على بنات المسلمين
هذه هى شروط القانون الربــــــــــانى للــــــحجاب ….
الأول: ستر جميع بدن المرأة ( ما عدا الوجه و الكفين ” وفيه خلاف
بس لو النقاب طلع فرض يوم القيامة ماذا ستفعلين ما حجتك النقااااااااااااب أفضل بلا شك حتى لو كان سنة فهو بلا شك درجة أعلى فى الجنة والله تعالى أعلى وأعلم)” )
الثاني: أن لا يكون الحجاب في نفسه زينة .
الثالث: أن يكون صفيقاً ثخيناً لا يشف .
الرابع: أن يكون فضفاضاً واسعاً غير ضيق . (يعنى الكارينا و الجينز و العباية المخصرة و المايوة متنفعش )
الخامس: أن لا يكون مبخراً مطيباً .
السادس: أن لا يشبه ملابس الكافرات .
السابع : أن لا يشبه ملابس الرجال .
الثامن : أن لا يقصد به الشهرة بين الناس
طــــفح الــــــكيل
لازم نتحرك نعمل أى حاجة …….. والله كل يوم فى طريقى برجع محمل بالهموم من حال بنات المسلمين …
الحـــــــــــــــل
يا ريت نبدأ بنفسنا ….
هتقولى : أنا أخواتى أو بناتى ملتزمين
هقولك : دور فى العائلة بتاعتك كويس ..أكيد هتلاقى بنت خالتك أو بنت عمك أو .. أو … متحجبة بس مش عارفة الحجاب صح … يا ريت توعيهم و تنصحهم
وطبعاً لأن البنات بيفهموا بعض كويس .. فياريت كل أخت فى المنتدى تحاول توصل لصاحبتها أو قريبتها رسالة الحجاب الصح .. وأستغلو أن رمضان على الأبواب … علشان القلوب بطبيعتها بتميل للتقرب إلى الله
لك مواضيع قمة في الابداع تستحقي التقييم
لك مواضيع قمة في الابداع تستحقي التقييم
تقيم اعمالك الملائكه يارب
كلك زوق حبيبتي
جزاك الله كل خير
لى اضافه على فوائد الحجاب
الحجاب ساتر للمرأه، وهذا من التقوى : قال الله تعالى:
( يا بني آدم قد أنزلنا عليكم لباساً يواري سوآتكم وريشاً ولباس التقوى ذلك خير ) (الأعراف / 26).
قال عبدالرحمن بن أسلم ( رحمه الله تعالى ) في تفسير هذه الآية :
يتقي الله فيواري عورته فذاك لباس التقوى ..
وفي الدعاء المرفوع إلى النبي صلى الله عليه وسلم: ( اللهم استر عوراتي وآمن روعاتي ) رواه أبو داود وغيره …
فاللهم استر عوارتنا وعورات نساء المؤمنين،
دينه كالقآبض عالجمر
الله يستر على بنات المسلمين ،،
فعلاً حالهم مؤسف ،، نسأل الله إن يهدي الجميع ،،
بارك الله فيكِ ووفقكِ وسدد خطاكِ ،،
طرح قيّم جداً ،،
سلمت يداكِ
نقل مميز
نسال الله لاخواتنا الهداية والالتزام بالحجاب الشرعي
اثابك الله