النهاردة جاية اقولكم على طريقتي التي مازالت تحت التجربة هههههه
انا بقى لي مدة طويلة جدا تقريبا 3 سنوات اعاني من تشققات الكعبين … في البداية لم يشغلني الموضوع ..
وبعد فترة بدأت اتضايق .. لدرجة اني زهقت من كعوبي ههههههه
المهم
جربت طريقة نقع الرجل في الماء الدافئ المائل للسخونة واستخدام الحجر الخفاف في ازالة الجلد الخشن .. وجربت زيت الزيتون .. والفازلين العادي وكريمات الجلسرين الخاصة بالعناية بالقدمين وما الى ذلك …
ولا اي حاجة جابت نتيجة .. او يمكن كانت تحتاج وقت اطول وانا من النوع اللي بيزهق بسرعة ..
الى ان اشترى زوجي كريم فازلين بزبدة الكاكاو للعناية وترطيب البشرة
فقلت يعني هي كعب الرجل مش من البشرة ولا ايه .. ايه المشكلة يعني لو جربته ..
فقمت غسلت رجلي كويس بالماء الدافئ والصابون السائل .. وبرضه استخدمت الحجر الخفاف .. وبعد ما نشف رجلي كويس دهنت منه على سطح القدم كلها وبالاخص منطقة الكعبين ..
بصراحة مش قادرة اوصف لكم الحالة اتحسنت قد ايه خلال يومين بس … يعني لو استخدمته لاسبوع هتكون نتيجته هايلة …
دي تجربتي في علاج تشققات الكعبين اتمنى اكون قدمت فائدة للجميع
ان شاء الله اجربها
الله يعطيك الف عافيه
شكرا على الافاده حبيبتي كلمه
نورتي القسم يا قمر
مبروك عليكى الوسام والتميز ياقمر تستاهليه
شكرا يا غاليات على المرور الكريم
دمتن بكل الود