المكونات
حمام
بصل
فريك
ارز
ملح-فلفل اسمر-زعتر-بهارات مشكله
الطريقه
اول حاجه نغسل الحمام كويس جدا واحنا بنغسله نفتح المنطقه بين الجلد والبطن بصوابعنا
(دى صوره من النت للتوضيح )
بعد كده نقوم بنقعه فى مياه وخل وملح ونصف ليمونه لمدة نصف ساعه
بعد كده نعمل حشو الحمام
انا بسويه نصف سواء علشان اضمن انه هيستوى فى الحمام وكمان علشان يكون حجمه ظهر لانه قبل السواء بيكون حجمه لسه صغير وممكن احشى الحمام كتير وهو مش مستوى وبعد كده يكبرويفرقع
والحشو ممكن يكون فريك او ارز
طريقه الفريك اننا نقطع بصله صغيره ونضع عليها ملح وفلفل وبهارات وورق غار وهيل ونحمرها فى زبده وبعد كده نضع الكبد والقوانص بتاعة الحمام بس تكون مقطعه صغير
وبعد كده نضع عليها الفريك ونحمره وبعد كده نضع عليه قليل من الماء او اى شوربه لحد ما يستوى نصف سواء
طريقه الرز اننا نحمر بصله بزبده وعليها بهارات وبعد كده نضع الكبده والقوانص وبعدهم الارز ونسويه نصف سواء بقليل من الماء او الشوربه
بعد كده نصفى الحمام ونتبدأ بحشوه
نحشو بطن الحمام من الداخل ونحشوها فى المكان الفارغ بين البطن والجلد ونحشيها من الرقبه
وعند اغلاق البطن نقوم بقل الرجلين عكس بعض فى فتحه اسفل الحمام
ولو صعب عليكى ممكن تقفليه بخله او تخيطه بابره وفتله
وبالنسبه للرقبه لن يقع الحشو لانها اول ما توضع فى الميه الساخنه هتغلق فورا
ولو اى جزء فى الحمام اتفتح منكِ او اشترتيه وجلده مقطوع خيطيها
نحضر ماء مغليه وبها بصله وبهارات وورق غار وهيل ونضع فيها الحمام
والنار خليها متوسطه لمدة نصف ساعه او ساعه الا ربع ولا يقلب لانه ممكن يتفتح بسهوله ويفرقع
وهنا بعد ما استوى
بعد كده نضع عليه صلصه وليمون ونقوم بتحميره فى زيت وبه معلقة زبده
وممكن تحميره من غير صلصه لان الصلصه بتخلى لونه فاقه واحمر
انا تبقى عندى فريك فكملت سواء واضفت له معلقه صلصه طماطم علشان يغير لونه وبالصلصه بيكون طعمه احلى
يارب يعجبكم
للاسف ما عندنا احنا ممكن في بعض المناطق فقط
ياله ابعتي تذكره اعزميني و خليني اذوووووووق
قلبي الصغير لا يتحمل
زهرة نحن بمسابقة رجيم
حررررام يعني هذا اختبار للقدرات التحمل
شكلها يششششششهي بس اريد جوز حمام اوكي مع الفريكة
يم يم عن جد عذاب
اعزميني انا ونهلة لانو مانعملو كتير في الجزائر
نهوله انا هبعت لك التذكره حااااااااالا بس انتى اوى تتاخر
حبيبتى اغاريد مهو لازم ننزل موضوعات فى اقسام الاكل هنسيبها فاضيه ولا ايه
كفايه بطنكم فاضيه
واعملى حسابك يوم التخبيص عايزه اشوف انتى كلتى ايه
