طريقة حفظ الليمون في المجمد 2024.

اسفة عالتاخير الطويل لكن المشكل من شركة اتصال عندنا في الجزائر

في موسم الليمون تكثر استعمالاتو وتحضيرو في الطبخات وتحضير الحلاوة يعني استعمالاتو كثيرة جدا

في عمل قناع للبشرة للتصفية و التنظيف و التفتيح بالاضافة للاواني وتلميعهم زائد على ذلك تزيين الاطباق و تحضير المشروبات و العصائر

المهم كل منا تحب تحتفظ بالليمون في البيت في اي موسم وا افضل طريقة حفظ في غير موسمه هو المجمد

يمكن تحتفظي باليمونة بشكلها الطبيعي يعني تغسليهم و تجففيهم و تحتفظي بيهم في المجمد حبات

لكن في هذه الحالة راح تستفيدي من بشر الليمون تتحصلي عليه شبه طازج

واذا حبيتي تقسمي من الليمونة بسكين حادة مع الحذر الشديد كي تضيفيها مع المشروبات الساخنة و العشبية

سلبيات هذه الطريقة انو لا تستطيعي عصر الليمونة المجمدة بعد ذوبانها يعني لا تعصر فقط تستفيدي من بشرها و تغليها او تنقع في المشروبات الساخنة

الطريقة الثانية هي انو تبشري قشور الليمون و تحتفظي بيهم في كيس او علبة

ومن جهة اخرى تعصري هذه الليمونات وتفرغي العصير في قوالب الثلج و تجمديهم ثم تنزعيهم من القوالب تتحصلي على مكعبات مجمدة تحتفظي بيهم في اكياس التجميد

وعند اللزوم فقط تنزعي من المجمد مكعب عصير و تخليه يذوب في كاس زجاجي فوق طاولة عادي على حسب احتياجاتك ,,,,هذه الطريقة تحفة و تستفيدي من العصير في اي وقت

فقط مشكلة قشور الليمون المجمدة في الكيس او العلبة لما تاخذي للحلويات او اي استعمال سوف تجدي شوية ماء مع القشور نتيجة التجميد لكن الطريقة ناجحة

من جهة اخرى ولتزيين الاطباق و تحضير العصائر حضري شرائح الليمون و افرشيهم فوق كيس في صينية وادخليهم المجمد واما يجمدو انزعيهم من الكيس وحطيهم في كيس لحفظهم

لانو لما تقطعيهم شرائح و تحطيهم مباشرة في كيس الحفظ سوف تجمد الشرائح متلاصقة لانو العصير جمد ايضا

نصيحة اخرى لعيونكم يا حبيباتي وهذه مش للتجميد

لما تقسمي حبة الليمون على اثنين اعملي فيها فتحات صغيرة بالسكين ثم اعصريها راح تتحصلي على كمية كبيرة من العصير

او تضعي حبة الليمون في ماء ساخن قبل ان تعصريها او تضغطي عليها براحة اليد على طاولة راح تتحصلي على كمية اوفر من العصير