طريقة تنظيف الروبيان والاسماك بالصور 2024.

طريقة تنظيف الروبيان ..

الروبيان احجام الصغير ، الوسط والجامبو "الكبير" واللي انا استخدمته الوسط ..

نفصل الرأس عن باقي الجسم بهالطريقة..

باستخدام مقص المطبخ اقطعي مقطع صغير تقريبا 12 سم ببداية الجسم من فوق ..

ونسحب خيوط الظهر الملونة باليد وشوي شوي عشان ما ينقطع ..

نقص بالمقص ايادي وارجل الروبيان ..

واخيرا اما انك تقشرينها كاملة ..

أولأحلى شكل "عندي شخصيا" وعشان ما يصغر الروبيان وايد عند الطبخ نشيل نص القشر بس ونخلي القشر اللي متصل بالذيل والذيل ..

ويغسل بالماء الجاري ..

طريقة تنظيف الزبيدي ..

هذي السمكة قبل التقطيع ..

نقطع الذيل والزعانف والجوانح اما السكين أو المقص وهو الاسهل والامن بالاستخدام ..

وهذا شكلها بعد التقطيع ..

في بالزبيدي خط واضح من الراس للذيل وانا مأشره عليه بطرف السكين "ان شاء الله يكون واضح" ..

لازم نفتح السمكة من بداية هالخط مع الضغط باليد على السمكة بهالطريقة "عشان نضمن ان السمكة مفتوحة من النص"..

لاحظوا العظام شلون نظيفة من اي لحم سمك لان فتحناها من خط الظهر ..

نشيل الخياشيم والاشياء اللي تكون قريبة يم الراس ..

وهذي بطن السمكة بعد التنظيف..

ممكن نقص خطين او قطعين بنص بطن السمكة بشكل خفيف عشان نضمن النكهة "البهارات تتشرب احسن" والاستواء السريع ..

نغسلها بالماء الجاي ونشفها شوي ونبدى نبهرها ..

البهارات العادة نبهر فيها الزبيدي "كركم ، دارسين ، فلفل اسود ، كاري ، فلفل ابيض وملح "..

وهذي اسماك الزبيدي بعد التبهير وجاهزة للتفريز او الطبخ " وانا مكثرة البهارات عمدا عشان كان لغداي انا وبنات خالتي واحنا نموت فيه جذي" ..

تسلمين يا نود

تسلمين سمرا مصر