كل عام وانتم بخير اخواتى الغاليات
احنا فى مصر لازم فى العيد الكبير نعمل صينيه رقاق باللحمه المفرومه
طعمها حلو اوى وبتعجب الكل بس هى دسمه شويه علشان كده اوعى تفكرى تعمليها وانتى بتعملى رجيم
المكونات
– 8 قطع رقاق
– كيلوا او كيلوا الا ربع لحمه مفرومة
– بصله وفلفل وبهارات لللحمه المفرومه
– سمن
– كوب شوربه
– مكعب مرق دجاج
الطريقه
اولا اقوم بتعصيج اللحمه المفرومه ,اقوم بتقطيع البصله والفلفل قطع صغيره جدا واضع عليها البهارات المختلفه واحمرها فى معلقه سمنه لحد ما لونها يكون ذهبى بعد كده اضع عليها اللحمه واستمر فى تقليبها لحد ما اللحمه تتشرب المياه التى نزلت منها وتستوى
بالنسبه للرقاق اولا اضع 4 ملاعق سمن كبيره فى الصينيه ويا ريت تكون تيفال علشان ما تلزقش ونسخنها لحد السمنه ما تسيح ونقفل عليها النار
بعد كده اجهز الشوربه الى حنسقى بيها الرقاق وتكون سخنه علشان الرقاق يطرى اما نسقيه بيها وهى عباره عن
كوب الشوربه + مرقه الدجاج + معلقه صغيره كارى
وهنا وانا بسقيه بالشوربه
بعد كده اسقى 4 ورقات من الرقاق واضعها فى الصينيه واضع عليهم اللحمه المفرومه
بعد كده اكمل باقى الرقاق واضعه فى الصينيه
بعد ذلك اتركه يرتاح ربع ساعه علشان يطرى اكثر
وبالنسبه لطريقه تسويته ممكن تقطعيه وتسقيه بالشوربه وتضعيه فى الفرن بس بيطلع ناشف ومش حلو
انا بقوم بتسويته على النار
تكون النار متوسطه الحراره واسوى جزء جزء فى الصينيه وادور الصينيه على النار لحد من تحت يكون لونها ذهبى
بعد ذلك اضع على الصينيه سرفيس واقوم بقلب الصينيه عليه بحيث يكون الى تحت الى سويته على النار فوق
واقوم بوضع 4 ملاعق سمنه كبيره فى الصينيه واما تسيح انقل الرقاق للصينيه تانى ( الجزء الذى لم يتعرض للنار )
واسويه مثل الجزء الاول
وهنا فى النهايه
جربوه وان شاء الله يعجبكم 🙂
طريقة جديدة انا بعمله فى الفرن
ان شاء الله اجربه طريقتك لأن شكلها شهى جداااا
تسلم الايادي حبيبتي زهره
واكيد عارفه القانون ده
وشكرا للطبق
والله جوعتيني وشكلو بيشهي
تسلم الايادي
اروحخ اجيب الوسام وارجع امتع عيوني
تسلمي ايديك الحلوه
تستاهلي الوسام والتقيم
ماشاء الله شكلها مشهي جدا
اروح عند يعملها ليه
تسلم الاياااااااااااااادي يازهره
حلوة قوى تسلم ايدك
