كيفكن يا حلوات 
تابع لحمله سماء الابداع
بدات الحمله وانا جيت متاخرة سامحونى 
ان شاء الله مواضيعى تنال اعجابكم
اليوم هعرض عليكم شيش طاووق من مطبخى وعلى مزاجى
نبدا بالمقادير وكالعاده من غير كميات يعنى انتو تعملوا اللى يكفى حاجاتكم
صدور دجاج مقطعه مربعات
فلفل ملون ((اصفر واحمر واخضر ))
بصل
زبادى
كزبرة ناشفه وفلفل اسود وكمون وزنجبيل مطحون
ثوم مفروم
بقدونس مفروم حسب الرغبه
ليمون
خل
الطريقه بسيطه جدا وخفيفه
بتجيبى الدجاج وتغسليه وبعدين تتبليه بالفلفل والملح والخل والليمون والكزبرة والثوم والزبادى والزنجبيل والكمون والبقدونس
ويترك بالتتبيله دى من ساعه الى 12 ساعه حسب رغبتك وكل ما تركتيه وقت اكبر كل ما كان الذ واطعم
انا شخصيا خليته 4 ساعات
بعد كده تقطعى البصل والفلفل مربعات
وتحضرى الاعواد بتاعت الشيش طاوو بتكون فى اى محل بتاع ادوات للمطبخ او فى مصر فى محلات اتنين ونص وسلات التوفير
بعد التتبيله دى
تدخلى المكونات بتاعتك كلها فى الاعواد على زوقك مع مراعاة الالوان
على حسب طول العود وحجم القطع
وده شكلها بعد ما رصيتهم كلهم
بعد كده تشغلى الشوايه لو عندك وترصى عليها الاعواد كده
او ممكن تجيبى طاسه تيفال وتحطيها على النار لما تسخن وتضيفى معلقه زيت
وترصى فيها الاعواد هتطلع معاكى جميله
او ممكن ترصيهم كلهم فى صينيه وتدخليها الفرن على حرارة 180 درجه بردو هتطلع ممتازة
وكل واحدة والمتوفر عندها ومش تعقدى نفسك يا ورده انتى وهى 
وده بئا شكلها النهائى
وبالصحه والعافيه على قلوبكم يا احلى وردات
واخيرا
طبق شهى ولذيذ والريحة وصلت لين عندى
الف عافية عليكم
منورة حبيبتى بوصفاتك الشهية
وحالاً الوسام
ويعطيك الف عافيه
يسلمو لك ودي وتقييمي
فى انتظار جديدك المميز..
تقبلى مرورى و تقييمى..
تسلم ايدك حبيبتي
لك ودي و تقييمي
طريقتك رائعة
تقبلي تقييمي حبيبتي