رسالتي للدكتوره …
يعطيج العافيه أولاً …
ثانياً …
انا أعاني من مرض السكر من سنة 2024
وعمري الآن 24 سنه … وحيل سمينه وزني يصعد وينزل مابين 102 و 106
وبكل فتره مرض السكر يتعبني أكثر وأكثر …
لان بصراحه انا شوي أهمل من علاج السكر اللي هو الامريل والجولوكفاج ..
واتكاسل مرات وما اخذه ومرات انساااه بشكل مو معقول … لان اخذ حبوب قبل الاكل وبعده وهالشي اللي خلاني اتكاسل وانسى …!
هذي مشكله ..
والمشكله الثانيه مره دكتورة السكر تزيد بجرعات العلاج ومره تنقصه .. على حسب تحليل السكر اللي اروح له كل شهر ان كان مرتفع تزيد من العلاج وان كان نازل تنقص … !!
الين وصلت مرحله عرفت نفسي فيها شلون اخذ العلاج بقياس السكر المنزلي …
واستمريت بانتظام واخذ العلاج ومرتاحه بأول النهار وبأخر اليل اتفاجأ بهبووط قوي بكل مره يوصل قياس السطر من بين 3 و 1.5
حتى ما اقدر اوقف وامشي .. ارجف بشكل مو طبيعي …
وارجع واترك علاج السكر يومين ثلاث بسسب الخوف وكرهته ..
وعلى هالحال كل مره ..
وبعض الأحيان اذا ارتحت نفسياً اكل كل شي ابي من حلويات وغيره وما اخذ العلاج والسكر ثابت يكون مابين 6 و7
واستغرب سبحان الله ..
فمادري المشكله وين فيني ..
بعضهم يقولون من السمنه والبعض يقول من النفسيه … واللي اشوفه بنفسي اذا تضايقت يرتفع بدون ما اكل …!!
وبصراحه تعبت ما ادري شسوي ..
ابي حل اذا تقدرين ….
هل له نظام غذائي وعلاج غير اللي اخذه او علاج نفسي ..!!؟
وشكراً 🙂
غاليتي أهلا وسهلا بك معنا
لا تحزني حبيبتي
وزنك 102 غيرك في وزنهم أكثر بكثير
المشكلة تكمن بالوزن الزائد لديكِ يمكنك التخلص منه
تذكري أنك إنسانة عندك إرادة
وأنت في عز شبابك
لا تتركي شبابك غاليتي يحطمه الوزن
اتبعي نظام غذائي مع خبيرة تغذية تذهبين لها
وأخبريها بالسكر لديك
من يقول لك أن الأمر متعلق بالنفسية
أقول لك أن النفسية والتعب النفسي سببه الوزن الزائد
بمجرد تخلصك من الوزن الزائد ستجدين نفسك
في أسعد حالاتك وتبدأن نفسيتك بالتحسن من أول كيلوات تخسرينها
تابعي معنا في المنتدى
وداومي على النظام
تخيلي أن الحلويات والمأكولات الخاطئة تؤذيك وكأنها عقارب تحيط بقلبك
ستكرهينها بحول الله وقوته
أسأل الله أن يسعدك في الدنيا والآخرة
فتومي غاليتي لا تحزني أرجوك
وحاولى قدر امكانك تحسنى من نفسيتك لانه
فعلاً ولان عندنا بالعيلة مرضى للسكرى فالنفسية بتلعب دور كبير
والاهم مسألة الوزن والنظام الغذائى
فنصيحة حبيبتى
لازم تتابعى بالمستشفى وهم يكرروا لك نظام غذائى يتناسب مع حالتك
لان مريض السكرى بيحتاج لنوعية وكمية غذاء تختلف من مريض لأخر
وبعدين لاتهملى ابد العلاج
وحاولى تمارسى اى نشاط رياضى
لانه بيساهم بشكل كبير بتنزيل نسبة السكر المرتفعة
والله يعافيك ويشفيك
وكل مرضى المسلمين
وانا من راي الاخوات
اهم شي تنزلين من وزنك لانو زياده الوزن بأثر على السكر بشكل كبير
وبتكون الخطوره اكثر
حاولي نظمي اكلك مع طبيب السكر واهم شي لا تهملي الدواء والحمد لله عكل شيء
وحاولي سوي رياضه لانها بتنقص كتير من مستوى السكر بالدم
الله يوفقك حبيبتي ….ويشفيك ويشفي مرضى المسلمين
تحياتي