خلطة الاعشاب الحارقة للدهون .أرجو الرد

[COLOR="Plum"]

أخواتي القمرات

والله أنا لقيت خلطات كتير للريجيم واحترت اشرب ايه فيهم

وهداني تفكيري إني أعمل خلطبيطة

والخلطبيطة يا قمرات عبارة عن:

ملعقة وسط من (البابونج + الشمر + الروزماري + الزعتر + البردقوش + المرمرية +النعناع)

والطريقة انك تغلى الماية وتحطي الاعشاب في كوب كبير ولما الماية تغلي تحطيها عليهم وتغطيها وبعد 5 دقائق تصفيها وتشربي منها 3 مرات قبل كل وجبة ولازم تتشرب سخنة

طعمها مر شوية ممكن تحليها بسكر الريجيم لو عايزة عن نفسي بشربها بقالي يومين ولسه معرفش النتيجة بس هي فعلا بتسد النفس

وبعد الاكل اشرب شاي اخضر

وقبل النوم يشرب منقوع اللبان الدكر وطريته انك بتنقعي 2 معلقة كبيرة من اللبان الدكر في كوب ماية صباحا وتقلبيه كويس وبعدين تصفيه قبل النوم وتشربيه بس للعلم طعمه مر مر وده علشان يشد الجسم

ياريت اسمع تعليقاتكم ع الوصفة الجبارة دي وهي من اختراعي بعد ما جمعت كذا وصفة مع بعض

دمتم بكل الخير[/][/COLOR

اولا صباح الخير يا زهوورة

طبعا هانرد عليكى ياقمر

تانى حاجة لو عاوزة تخليكى فى المضمون ومتجرب من ناس كتير ورائع

يبقى(بذرة رجلة -شمر-بردقوش-كابلى)

تضربيهم فى الكبه فرم جامد وتحطيهم فى علبة

وتاخدى ملعقة صغيرة قبلى الأكل بربع ساعة (سف)

راااااااااائع

وعندى بس نصيحة ليكى الشاى الأخضر لازم بعد الأكل بساعتين عشان بيحرق الحديد

وانا بنصحك بيه لأنه بالنسبالى احسن حاجة بس ياريت تضيفى على زنجبيل وقرفة وكمون

وان شاء الله تخسى وتكونى تمام

اى استفسار انا فى الخدمة

اختك (ولا احلى)

مشكورة حبيبتي على الرد والتعليق

شكرا زهرة انا فى الخدمة حبيبتى ديما

مع السلامة يا زهرة
دلوعتى اخجلتينى بكلامك اللى زى العسل مثلك

بنحاول نتعلم من مشرفتنا الرائعات