اليوم جبتلكم نوع من الخبز يجي حلو شوية…حنا ناكلوه مع حليب الصباح مغذي 
لذيذ وريحتو تهبل 
مقاديرو بسيطة
في الاول نعجن عادي سميد رقيق وملح و ماء بالشوية نضيف الماء ونعجن و نضيف الماء و نعجن حتى تصبح العجينة طرية
المرحلة الثانية من العمل ويدخلو مكونات اخرى
راح نحط شوية خميرة فورية على حساب كمية العجين
انا في خبزة وحدة عملت ملعقة اكل و نصف خميرة مع شوية سكر و ماء لتخمر
لكن السر يكمن هنا
دائما تجدون مني النصائح 
استفدن ف انتن محظوظات 
ههههههههههههههه غرور 
السر هو انو الخميرة ضيفيلها شوية شوية فقط من الماء بحيث تتحصلي على شبه كريمة لما تخمر و ليس خليط سائل لانو العجينة اصلا عندها وش يكفيها ماء وراح ماتنجحش لو ما تسمعيش كلام الشيف
المهم اعجنيها من جديد مع اضافة مزيج الخميرة على 3مرات واعجني
وهنا المرحلة الثالثة
كسري بيضة
احتفظي بالاصفر لدهن الوجه
اما البياض خلطيه بشوكة مع 2 او 3 ملاعق سكر في الخبزة الوحدة
حاولي دخليه في العجينة حتى تمتصو جيدا
والان المرحلة الرابعة
ف اناء العجن وبعد ما تكون ايدك متعجنة 
وتقولي خلاص مش حعرف اتخلص من العجينة اللي ف ايدي 
راح يجي دور مخلص الازمات ##الزيت##صبي شوية زيت في الناء مقدار نصف فنجان قهوة زيت وادلك العجينة
ومباشرة بلا ماتخليها في الاناء لانها راح تلصق فيه من جديد لانها طرية جدا ارفعيها باليدين الى الصينية المدهونة بالزيت ومرشوشة بالفرينة
حاولي تبسطيها بخفة يعني ماتضغطيش عليها بيدك حاولي تبسطيها بالضغط الخفيف على السطح و هو لسل مدهون بالزيت وايدك لسا مدهونة ايضا حتى يسهل عليك العملية
ادهني السطح بالصفار والاسهل باستعمال اليد بسرعة لان فرشاة الدهن راح تخدش السطح بسهولة لانو حساس
رشي سمسم
واطهيها في فرن سخن
حسيتو ريحتها؟؟؟؟؟؟؟؟؟تهبل 
جربوه راح تشوفوه خفيف مش متعجن و مغذي في نفس الوقت
وبصحتكم
شكلها والله مشهي
الله على رائحة الخبز الطازج على الفطور ياسلاااااام
منوررررره ياقمر
تسلم يمينك ياحلى شيف 🙂