السلام عليكم و رحمة الله و بركاتة
حبيباتى وردات مجتمع رجيم
بعد تفكير طويل قررت انو اعمل الموضوع دا عشان نتابع بعض ونساند بعض في حملة
تنشيط المبايض بالطرق الطبيعية 
واللي مش عارف الحملة واهدافها
فالحملة ببساطة دعوة لكل الوردات بالتعالج بالمواد الطبيعية
يعني لتنشيط المبايض علاج طبيعي ولزيادة فرص حدوث الحمل علاج طبيعي
شعارنا (لا لليأس ولا للاستسلام ونعم نعم نعم للتفاؤل)
مين رح يشترك معانا
بنات رح نفيد بعض ورح نستفيد من بعض
وفرصة لنتبادل الخبرات والمواقف والتجارب الناجحة بإذن الله
شكرا لكى يا قمراية
مين معانا يا بنات فى الحملة
وشكرا الك حبيبتي مسلمه على الموضوع
أهم شي عدم اليأس.. ونعرف انه الخلفة بيد رب العالمين.. نطلبها منه وحده ونلجأ اليه.. طبعا مع الأخذ بلأسباب..
أنا كتير من صديقاتي تأخر حملهم ومنهم حملو وأجهضوا.. ومنهم حملو بعد علاج طويل..
بس أهم شي انه تأخر الحمل ما يأثر على حياة البنت.. أكيد هوه شي ضروري.. وحاجة لكل بنت تحس بلأمومة..
لكن أوعي تخلي المجتمع يأثر عليكي ..أو الزوج .. أو أهله ..
بلعكس احكي معهون حتى يكونو سند الك.. لأنه أهم سبب بتأخر الحمل الحالة النفسية..
وأنا ولله اني بدعي الي ولكل بنات المسلمين انه الله يرزقهون الذرية الصالحة عن قريب..
يارب ما كون طولت عليكون.. رح احكيلكون عن تجربتي الشخصية..
أنا تعرضت لتجربة اجهاض وهلأ بداية حملي الجديد ان شاءالله يثبت.. آمين
المهم أنا قبل ما اتزوج بفترة كنت أعاني من تكيس المبايض.. وكن عندي أعراض التكيس من الشعر الزائد والوزن الزائد..
أخدت علاج هرموني عند طبيب غدة.. لمدة تمن شهور.. وتعبني نفسيا وقفته لحالي دون مراجعة.. وتركت الموضوع..
بعد مرور تمن سنوات تقريبا.. انخطبت.. واتزكرت المشكلة الي عندي قلت لازم أعالجها..
انا قريت عن تكيس المبايض انه مو بضرورة يمنع الحمل.. وعلاجه متوفر.. لكن ما كن بدي علاج هرموني..
رحت عند خبير الأعشاب زين الأتات.. وقابلته هون بلامارات.. وصفلي شراب اسمه القريص مع الأوليفيرا…
طعمته فزيعة لكن جبرت حالي عليها..
شفت بلمركز سيدة عانت من ألياف برحم وشفيت على المنتج .. بإذن الله
والخبير زين قال ببرنامجه انها نافعة لكل مشاكل الرحم والمبايض.. الله أعلم..
أنا بصراحة شربت منه أقل من شهر.. وهو قلي خليكي شهرين ثم صوري المبايض.. لكن انا ما صورت
وبعد ما تزوجت عملت صورة لمبايض بعد الاجهاض قالتلي الدكتورة ما في تكيس..
أنا الي حبيت قولوه انه الي حابه تجرب شي طبيعي تجرب شراب القريص مع الأوليفيرا وانا الصراحة بثق بمنتجات زين الأتات لأنت أخدت أكتر من علاج ونفعو..
بتمنى كون فدتكون بهل معلومة.. وكمان بنصحكون بلعسل الطبيعي على الريق..
التونة يوميا,, وعصير العنب قبل النوم..
والله يعطي كل وحدة منا سؤلها يارب العالمين