السلام عليكم ورحمة الله وبركاته
كيفكم يا احلى وردات بالدنيا ..:f6eb47d3:
طبعا من غير أى مقدمات الموضوع باين من عنوانه عن مجموعه الاعراض الى بتسبق
نزول دم الدورة الشهريه عند السيدات
أكيد معظمك مجرب الاعراض دى أو بعضها
الاعراض دى بيطلق عليها علميا مسمى المتلازمة لانها مجموعه كبيره جدا من الاعراض
وتفسيرها الصحيح او المظبوط مش معروف لحد دلوقتى اسمها
premenstrual tension syndrome
المتلازمة دى بتحصل عند كتير من السيدات بشرط ان الدورة تكون منتظمه وبتبدى قبلها بحوالى
اسبوعين وبتخف تدريجيا مع نزول دم الدوره
مشهورة اكتر فى الفئه العمريه مابين 30 و40 سنه
اعراضها كتيره جدا نقدر نقول انها بتأثر على السيده من شعر رجلها حتى اخمص قدمها
بعض الاعراض دى وأشهرها
1_ الشعور بالصداع والقلق وبتوصل لبعض الاحيان للاكتئاب والاحباط
2_ قله التركيز 
3_ الم فى الثديين عباره عن احساس بالتقل 
4_اعراض لها علاقه بالهضم زى القئ والاسهال أو الامساك
5_ احتباس السوائل فى الجسم
6_انتفاخ تحت الجفون وانتفاخ فى الوجه والقدمين
7_ شحوب فى الوجه 
دى تعتبر اشهر الاعراض الى بتحصل
وزى ما قلت فى الاول تفسيرها الدقيق لسه مش مفهوم
لكن فى نظريات بتحاول تفسر الاعراض دى وتلاقى سبب يربطها كلها ببعض
واشهر النظريات دى نظريه احتباس السوائل فى الجسم نتيجه للتغيرات الى بتحصل
فى مستوى الهرمونات ( الاستروجين والبروجيستيرون ) فى النصف التانى من الدورة
العلاج
اولا
اهم حاجة انكم لازم تعرفوا ان الحكايه دى بتحصل عند معظم السيدات
يعنى باختصار مش حاله نادرة بالعكس المفروض انها علامه كويسه عن مستوى الهرمونات
فى جسم السيده وعلامه كويسه جدا ان التبويض مظبوط عندها
ثانيا
شوية تغييرات فى الاكل هتساعد على تخفيف الاعراض اهمها تخفيف تناول الملح
والاكثار من السكريات فى الفترة دى
ثالثا
تناول الفيتامينات ومصادرها من الخضر والفواكه
رابعا
التمارين الرياضيه واهمها المشى:3ca8b998: دى مهمه أوى بجد ياجماعه فى التقليل من الشعور بالاحباط
والاكتئاب لانها بتساعد على افراز ماده فى المخ اسمها B_endorphins
الماده دى بتحسن المزاج
خامسا
فى الحالات الشديده ممكن نستخدم مضادات للاكتئاب ومهدئات باشراف طبى متخصص
عاوزة فى النهايه اقولكم على حاجة طريفه فى الموضوع
تعرفوا ان فى الولايات المتحده وفى بعض الدول ( طبعا مش فى العالم العربى )
انه السيدات الى بيرتكبوا جرائم فى الفتره دى القانون بيديها الحق فى حكم مخفف
:70bff581:
بتمنى اكون افادتكم
وجزاك الله خير
اختك ضناني الشوق ..
ليكي ألف شكر