قبل ما نبدا لازم تفهمي حاجة مهمة عن الدلع
– الدلع مومعناه المياعة والنوم وقلة الشغل زي ما البعض فاهمين لاااااااااااا
– الدلع سلوك انثوي طبيعي موجود في تركيبة كل انثى بس في ناس تنميه وفيه ناس تدفنه
– عشان تتدللين بنتك وتعلمينها الدلال من صغرها وتحافظ على انوثتها وجاذبيتها بحركات بسيطة :
– انتي قدوتها في كل شئ فكوني خير مثل يحتذى
– دلعي بنوتتك في كل شئ (مظهرها-سلوكها-قناعتها عن نفسها)
أولا /مظهرها الخارجي:
اهتمامها بنفسها-شعرها-لبسها-اكسسواراتها-دولابها-فساتينها -حركاتها
في البيت
– لبسيها بجامة حلوة
مع شراريب او احذية البيت
بلوزة مع تنورة شياكة وذوق
شوفي الدلع الطفولي والفطري (طبيعي ولاااااااايق)
– علميها اول ما تصحى الصباح تفرش اسنانها وتتوضأ وتصلي
– تبدل ملابسها وتختار هي الشئ اللي نفسها تلبسه من الدولاب بمساعدة منك (طبعا لازم تعلمينها كيف تختار وكيف تنسق ) يعني مو تروحين السوق تشترين لها خليها تشارك في الاختيار عشان تتعلم ولا تلغين شخصيتها خلي عندها ثقة بذوقها( وانا اعرف حريم ترسل بنتها مع ابوها وتختارعلى كيفها) غلط
لالالالالا افراط ولا تفريط روحي معها ووعيها باللي يصلح واللي ما يصلح من ناحية الستر او من ناحية الالوان او من ناحية القيمة
– وبعدين اختبري بعد كذا اختيارها اذا كان مناسب اعطيها حرية الاختيار بعد كذا ودائما قولي لها انا اثق بذوقك
– شاوريها في لبسك لما تلبسين وقولي لها مثلا: طلعي لي اساور لايقة على لبسي –طيب ايش رأيك لو اخذنا ذا اللون وهكذا
والتقدير يزرع الثقة
والثقة ركن اساسي للدلال(عمرك شفتي وحدة دلوعة وماعندها ثقة في نفسها؟؟؟؟)
– وصدقيني العلم في الصغر كالنقش في الحجر
– اشتري لها منتجات عناية بالبشرة خاصة بالاطفال من كريمات لوشن- شامبو
– وعوديها دائما تعتني في وجهها يديها-رجلينها وتلبس شراريب عشان تحافظ على نعومتها
– عوديها ترطب شفايفها باستمرار خاصة في الصيف واحلى مرطب(لابيللو) اشتري لها واحد خاص بها واذا مافيه الفازلين مافيه منه للشفايف
– خليها تلبس اكسسوارات اطفاااال(اساور –حلق-خاتم-ساعة يد) وحطي تحت كلمة اطفال مليون خط (لاتلبسيها شئ اكبر من سنها)
يتبع
– شطفي ملابسها بعد الغسل بداوني او كومفورت وخذي روائح حلوة وطفولية خليه مخصص لملابسها هي بس
غرفتها
– خلي كل شئ فيها يحكي انها بنت (مفرش السرير-الدولاب- ساعة الحائط-صندوق الالعاب-الستارة-اللوحات
– وما اقصد يكون كل شئ وردي لالالا،ولا اقصد شئ غالي ومكلف ، البساطة مع الاناقة والتنسيق احلى مليوووون مرة لمسات بسيطة منك تخلي غرفتها اررررروع من الرووووووووعة
مكتبة طفلتك :
حطي لها مكتبة في غرفتها وحطي فيها كتب وقصص مناسبة لعمرها وحببيها في القراءة والثقافة عشان تطلع مدلعة على سنع مو على فراااااغ وجهل
في الحفلات والعزومات البسيطة
لازم تعرفين ان مظهر طفلتك من مظهرك واناقتها مكمل لأناقتك
يعني مو معقولة تشوفين وحدة انيقة ، ولما تشوفين بنتها تلاقيها مبهذلة
لبسيها فستان انيق ساتر وحلو والوانه زاهية او بلوزة وتنورة مخصصة للطلعات وابتعدي قدر المستطاع عن الفساتين ذات الظهر العاري او ذات الخيوط من فوق الاكتاف او القصيرة بشكل منفر وخليها تتعود على الستر-حطي لها طوق على شعرها أو شباصات مناسبة
في الافراح والعزومات الكبيرة:
لبسيها فستان (منفوش)على قولتنا يوم كنا صغار كنا نمووووت فيها،
(وتكفين لاتحطين لها ولانقطة مكيااااج) احلى شئ في الاطفال يكونون على طبيعتهم
حطي لها مناكير او حناء(يازينها في يد البنوتات)
وتسريحة حلوة مناسبة للاطفال
منقول للفائده
والله موضوع يستحق التقدير روعة
يا رب بنتى تكبر واشوفها زى البنات الحلوين دول
وان شاء الله اطبق المعلومات القيمة
جزاك الله خيرا
شـكــ وبارك الله فيك ـــرا لك … لك مني أجمل تحية .
[/motr1]
ما شاء الله موضوع رائع …ومفيد..وانا شخصيا كتير استفدت منه …ورح اطبقه مع بنتي (الله يهديها)ما تحب تمشط شعرها… <<<بس انا رح اعلمها الدلع الحلو …