هلا موسم الفول الاخضر وبما انه موسمه حبيت اعمللكم اكله طيبه
كتير لانو بينعمل منو اكتر من وصفه ووكل وحده اطيب من التانيه
الفول الاخضر باللحمه واللبن
المقادير
فول اخضرطري
لبن رايب
2مكعب جميد لاعطاء طعم اقوى للبن الروب
3 مكعب ماجي ملح فلفل رشة كركم بسيطه
ارز تايجر شعيريه زيت ذره
الطريقه
نقوم بقطع راس الفول من الجهتين وبيطلع منا متل الخيط الرفيع
نفرم الفول بالجم اللي بنفضله ونغسله جيدا ونضعه في مصفاه لوقت الاستعمال
نقطع بصله ضغيره ناعم ونقليها بقليل من الزيت لحتى تشقر
نضيف الها اللحمه المقطعه
ونقلبها جيدا حتى يجف ماؤها
نضيف الملح والتوابل
بعدين بنضيف الها كميه مناسبه من الماء لحتى النضوج
ومو كتير لانو بيطلع اللبن خفيف
بهاي الاثناء نجهز اللبن ونغليه على جنب مع بيضه مخفوقه واضافة مكعباتالجميد والماجي
متل طريقة لبن المنسف بالزبط
وايضا بنحضر الارز لانو ما بياخد وقت يعني كلو عم يجهز مع بعضو
نضع شوي من زيت الذره في طنجرة تيفال لحتى يحمى منيح
ونضيف الشعيريه لحتى تشقر كتير
نضيف الارز والملح ونقلب لحت يبين انو انقلى
وهيك بيطلع الارز متناثر
اضيف ماء الدجاج المغلي مع الماجي وبخفف النار لحتى يتهدى الارز وينضج
هلا برجع للحمه لما اشفها انها نضجت بضيف الها الفول المقطع وبخليه يغلي لحتى يقرب ينضج
يعني مو كتير
لانو كمان بدو يغلي مع اللبن
واضيف اللبن وبغليهم مع بعض لحتى ياخدو طعم بعض اللبن والفول واللحمه
والافضل انو يطلع قوامها ثقيل شوي لانو انا طلعت معي رخوه شوي من دون قصد
ما بيوقع الا الشاطر بس طلعت طيبه كتير
تقدم مع الارز بالشعيريه
وبالهنا والعافيه
نصيحه اخواتي دايما اطبخو الاكل السائل بالستانلس ستيل
والارز بالتيفال
الله يعطيكي العافية
ايه يااخت وايت روز ايه الروعه دي كلها
الله يديكي الصحه
ويجزيكي الخير احسنه
يسلمو اختي ويعطيكي الف عافيه
تسلمى يا قمر على الاكله الطعمه
شكلها حلو جدا
وشكرا على النصيحه
مشكوره حبيبتي على المرور