الفراخ المقرمشه الكرسبى
الفراخ المقرمشه الكرسبى
وحشتونى
واكيد وحشكم وصفاتى واكلى الجميل واللذيذ زيى
من كام يوم عملت فراخ بس طلعت جميله
تعالوا شوفوا الطريقه
المقادير
فراخ متقطعه قطع وسط(حسب العدد)
3بصلات متقطعين شرائح
بصله مبشوره
كوبايه زبادى
ليمونه
نصف كوب خل
بهار(مختلف)
الطريقه
اولا قطعت البصل شرائح
وتبتله بفلفل اسمر وعصير ليمونه ونص كميه الخل
وتبلت الفراخ
وسبتهم ساعتين
سلقتهم بالبصل بس ماتحطيش المايه اللى نزلتها الفراخ لانها بتبقى مش كويسه وزفره وبتغمق لون الشوربه
تنشلى الفراخ تبرد
تعالوا بقى نعمل التتبيله
دى عباره عن
بصله مفرومه
وكوبايه زبادى
وبيضتين
ويضربوا فالخلاط
وتفضيهم وتحطى ملح وشويه البهار اللى تحبيها
(بهارات العاديه وفلفل اسود وكمون زعتر و روز مارى وممكن مستكه)
وعدين لما الفراخ تبرد حطيهم فالتتبيله
بس لازم لما تبرد علشان البيض مايجمدش من سخونيه الفراخ
وتسبيهم 3 او4ساعات
تعالى بقى نقيلهم
تجيبى 4 معالق كبيره دقيق
و3معالق بقسمات للقليه
وتبهرى الدقيق برضو
وتحطى معلقه صغيره بيكنج بودر
لو عندك توم مفرى ممكن تحطيه
بس انا مش كان عندى
ولو عاوزه لون الفراخ اصفر شويه
حطى كركم
المهم تقلبى كويس
وتحطى الفراخ
وبعدين تقلبيهم فالدقيق
وعلى طول فالزيت السخن والغزير
تعالوا شوفوا شكله النهائى 
ايه رايكم
دعواتكم يا اجمل صحبه
واجمل اخوات
بجد انت ست بيت ممتازة
يممم يمممممممممممممممي ماشاء الله تبارك الله
والطريقه سهــــــــــــــله مررره
تعالي بقي أذبحك هنــــــــــــــــــ
ـــــــــــــــــــــا
ناوية تخربي علينا رجيم قبل العيد 
ماراح يدخل الفستان منك أنت والأخوات الكريمات 
حبيبتي
سلمت الإيادي
منظرها رائع ومغري مشهي للأكل فوراً
يمي يمي يمي يمي
جوعتني ياقلبي
حبيبتى
ننتظر جديدك المميز
وتساهلي التقيم بجدارة
تسلم الأيادي حبيبتي
ما ننحرم جديدك
انا بعملو بنفس طريقتك