العدس بطريقه جديده

بما ان انهاردة الجو برد عندنا والسما بتمطر قلت اعمل حاجة تدفينا فقررت اعمل شوربة عدس وبطاطس محمرة وقلت افرجكم عمايل ادية اكيد الكل عارف طريقة شورب العدس بلسان العصفور
عموما انا سلقت العدس والجزر والبصل وحبة طماطم وحبة بطاطس صغيرة وشيلت الريم منهم لحد استوا

ضربتهم في الخلاط

تباتهم بالملح والفلفل والشطة والكمون

حمرت مكرون لسان العصفور في حتة سمنة وحطيتها علي العدس وسبتها تستوي في الشوربة مع التقليب علي طول علشان ماتلزقش في الحلة من تحت

وللتقلية بصل وبقدونس افرمهم واحمرهم في شوية زيت واطشهم علي العدس
وخلاص ولما تقدميه اعصري عليه الليمون

وده شكله النهائى

وحمرت معاه بطاطس بس مبشورة وده شكلها

ودي صورة لهم هما الاثنين

اتفضلي حبيبتي معلش عزومة مراكبية بس لو اقدر اوصلهالك لحد عندك وشكرا علي الرد