قبل كده كنت كتبلكم الوصفة دي بس من غير صور
انهاردة عملتها وقلت اصورها ويارب تعجبكم
انا انهاردة عملتها بالبسطرمة بدل الفراخ
المقادير:
ربع جلاش
ربع كيلو بسطرمة
ربع جبنة شيدر او رومي انا استعملت اليوم شيدر
2طماطم
2 قرن فلفل رومي
رشة فلفل اسود
بيضة
كوب لبن او 2معلقة لبن بودرة مذابة في كوب ماء
ممكن نضيف زيتون اخضر او اسود حسب الرغبة بس انا مضفتش زيتون
زيت ذرة او زيت زيتون
الطريقة:
نقطع الطماطم والفلفل مكعبات صغيرة جدا
نضع القليل من الزيت بالطاسة
ونشوح الطماطم والفلفل مع التقليب المستمر
نقطع البسطرمة قطع صغيرة مع ازالة الخلطة اللي بتكون حوليها تماما
وتوضع مع الطماطم والفلفل وتشوح خفيف
ثم ندهن قارب زيت ونضع 4 ورقات جلاش وشوية حشوة والجبنة
ونضع 4ورقات كمان وعليهم القليل من الزيت فقط
ثم 4 ورقات من الجلاش وشوية حشوة وجبنة
وهكذا يعني 4 ورقات وحشوة و4 ورقات مدهونين زيت فقط
واخر 4 ورقات من فوق نرش جبنة فقط وورقتين للوجه طبعا من غير حشوة اوجبنة بس عليهم شوية زيت
تدخل فرن ساخن بس حرارة متوسطة علي الشبكة
ننتظر حتي يحمر الوجه قليلا ثم نخرج الصينية ونضع عليها البيضة المربوبة بالملح والفلفل الاسود واللبن ونتاكد من اننا بنسقي كل الصينية والجوانب
ثم نعيدها للفرن تاني ونظل نتابعها كل شوية لما نلاقيها احمرت نخرجها
وناكلها بالهنا والشفا 0
مبروك الوسااااااااام
نورتي القسم
في انتظار المزيد حبيبتي
قلاش شهي ولزيز
شكله جميل وفكره جديده البسطرمه
انا ع طول اعمله باللحمه المفرومه
تسلم الايادى ياقمر
نورتى القسم
🙂