والصلاه والسلام على اشرف المرسلين سيدنا ونبينا محمد صلى الله عليه وسلم
حبيباتى فى الله السلام عليكم ورحمه الله وبركاته
هذه القضيه شغلتنى كثيرا كانثى وشغلتنى اكثر كام لبنات او ورود لم تتفتح بعد وترى هذا الامر الخطير الذى انتشر فى مجتمعاتنا من عده سنين
وقبل ان ابدا احب ان اسالكم
كم واحده منا تعرضت لمثل هذه المضايقات؟
كم واحده مناوهى تمشى فى الشارع لم تسمع كلمه تخدش الحياء؟
كم واحده وهى ذاهبه او راجعه من مكان دراستها لقيت عربيه بتقف قدامها بكل تبجح الدنيا ويدعوها راكبها للدخول؟
كم واحده منا وهى تمشى فى سوق ومعها اولادها وتفاجئ بيد تخبطها (قال يعنى المكان زحمه وده غصب عنه)
وتعدى الحكايه عشان ما نعملش فضايح
فى اى من المواقف السابقه تنظر كل واحده لنفسها وتتسال
هل يوجد فيا شئ غلط؟
انا لابسه حاجه توحى اننا بنت وحشه
صدقونى اللبس مش بقى شرط وان الملتزمات بالزى الاسلامى كمان بيتعرضو لانواع مختلفه من المضايقات وكانهن سافرات
واخيرا كم حكايه سمعناها عن اغتصاب الفتيات وبطرق مبتكره تتطور كل يوم؟
صدقونى التحرشات الجنسيه التى اسلفت ذكرها تؤدى بفاعلها مع الوقت وتوفر اسباب الضياع والبعد عن الله الى ان يرتكب جريمه شنعاء مثل الاغتصاب
حبيباتى فى الله
لا يجب علينا كفتيات او سيدات ان نصمت عن تلك التجوزات ونعتبرها موقف سخيف ويعدى
لان الايان بتثبت ان دى سلبيه بتؤدى الى كوارث مع الوقت واريد ان اذكركم بضروره تغيير المنكر
كما وصانا حبيبنا المصطفى صلى الله عليه وسلم
باى شئ وفى هذا الموضوع بالذات لا تكونى ممن يغيرو بالقلب وهو اضعف الايمان
كونى ايجابيه اكثر اذا تعرضتى لمضايقه من اى نوع وانتى فى مكان عام لا تسكتى افضحى فاعلها
حاولى دائما ان لا تكونى وحيده فى اى مكان فى الشارع فى السوق فى المواصلات دائما يكون معكى صحبه صالحه او محرم من اخ او اب او زوج
ولو ابتعد اى منهم عنك فى اى مكان وتعرضتى لمضايه لا تسكتى خوفا من نزاع يقام تصرفى انتى مع هذا الشخص بحزم وجديه ادخلى الرعب فى قلبه حتى لا يفعلاها مره اخرى
وهذا هو غرضى من كتابه هذا الموضوع ان لا نشجع هذه السلوكيات بالصمت
فهم لا يستحقون اى صمت يجب ان يعرف كل من تسول له نفسه بهذه الافعال الشائنه انها لن تمر بسلام واننا كنساء نرفض هذه المضايقات ولا نستسيغها كما يتخيل البعض
عزيزتى
كونى ملتزمه
كونى حازمه
كونى ايجابيه وتوكلى على الله
ارجو ان لا اكون اطلت عليكم واتمنى ان تشفى مجتماعتنا من هذه الامراض الخطيره.
وهاتتصرف ازاى بمنتى الصراحه والصدق
والله يا مريومه انا دلوقتى بخاف امشى فى الشارع
دلوقتى بقى لا كبير ولا صغير بتفرق معاه
كله بيضايق البنات
سواء بنظره مستفزة او لمسه وقحه او مضايقه بكلام سافل
والله انا لبسى مش ضيق فعلا بس دلوقتى ولا بتفرق
الناس بقت وحشه اوى يا مريم
ليه كده بس
فين الدين؟؟بلاش الدين
فين العادات والتقاليد
والمشكله فى السلبيه اللى كل الناس عايشه فيها اليومين دول
محدش بينصح حد
ومحدش بيربى صح
ولو حد غلط مبقاش فى عقاب زى الاول
ربنا يستر علينا والله
وكمان احنا دلوقتى بنتكلم فى موضوع بسيط بالنسبه للمواضيع الكبيره
اللى هى الاغتصاب والجواز العرفى والكلام ده
دلوقتى والله مابأقدر امشى فى شارع ضلمه لوحدى
الف من 10 شوارع اأمن لى
بقيت اخاف اركب تاكسى لوحدى
من كتر مابسمع عن حوادث خطف البنات فى التاكسيات
وعلى فكره الجديد بقى ان مش بس البنات اللى بقوا بيخافو من المشى فى الشوارع الضلمه
لأ الولاد كمان بيخافو
لأن للأسف انتشر موضوع التثبيت لو تسمعى عنه
وهو ان تلات اربع رجاله شاربين مخدرات يقفوا معاهم سكاكاين ومطاوى ويثبتوا اللى
رايح واللى راجع وياخدوا منه فلوسوا وموبايله ..
زى ما عرضو الموضوع ده فى فيلم(ذكى شان)لو شفتيه
بتاع الممثل احمد حلمى
بجد انا حاسه ان مبقاش فى أمان زى الاول
بس لازم نلاقى حل للموضوع ده
مفروض الدوله تتحرك
والله حرام اللى بيحصل
حسبنا الله ونعم الوكيل
هوة التصرف اللى ممكن اعملة (ولا حاجة)
حاعمل اية دة انا لو واحدة شتمتنى مبردش عليها
يبقى لو ولد عمل لى حاجة حرد علية كل اللى بعملة
بنظر لية باحتقار وبمشى
وعلى فكرة انا مش ضعيفة بل بالعكس جدا لى شخصية قوية جدا
لكن مقتنعة بفكر معين
مقدرش اضع نفسى فى موقف مهين حتى لو حلنتصر فية
والله يا مريومه انا دلوقتى بخاف امشى فى الشارع
دلوقتى بقى لا كبير ولا صغير بتفرق معاه
كله بيضايق البنات
سواء بنظره مستفزة او لمسه وقحه او مضايقه بكلام سافل
والله انا لبسى مش ضيق فعلا بس دلوقتى ولا بتفرق
الناس بقت وحشه اوى يا مريم
ليه كده بس
فين الدين؟؟بلاش الدين
فين العادات والتقاليد
والمشكله فى السلبيه اللى كل الناس عايشه فيها اليومين دول
محدش بينصح حد
ومحدش بيربى صح
ولو حد غلط مبقاش فى عقاب زى الاول
ربنا يستر علينا والله
وكمان احنا دلوقتى بنتكلم فى موضوع بسيط بالنسبه للمواضيع الكبيره
اللى هى الاغتصاب والجواز العرفى والكلام ده
دلوقتى والله مابأقدر امشى فى شارع ضلمه لوحدى
الف من 10 شوارع اأمن لى
بقيت اخاف اركب تاكسى لوحدى
من كتر مابسمع عن حوادث خطف البنات فى التاكسيات
وعلى فكره الجديد بقى ان مش بس البنات اللى بقوا بيخافو من المشى فى الشوارع الضلمه
لأ الولاد كمان بيخافو
لأن للأسف انتشر موضوع التثبيت لو تسمعى عنه
وهو ان تلات اربع رجاله شاربين مخدرات يقفوا معاهم سكاكاين ومطاوى ويثبتوا اللى
رايح واللى راجع وياخدوا منه فلوسوا وموبايله ..
زى ما عرضو الموضوع ده فى فيلم(ذكى شان)لو شفتيه
بتاع الممثل احمد حلمى
بجد انا حاسه ان مبقاش فى أمان زى الاول
بس لازم نلاقى حل للموضوع ده
مفروض الدوله تتحرك
والله حرام اللى بيحصل
حسبنا الله ونعم الوكيل
يا حبيبتى يا امل هى المواضيع وصلت لحد كده كمان انا سايبه مصر من حوالى 5 سنين وبانزل فى الاجازات بس
كل الى لاحظته انى حتى وانا ماشيه مع عيالى ممكن تلاقى تعليقات مستفزه
جوزى بيرفض خروجى لوحدى بشكل قاطع عشان ما اتعرضش لاى موقف محرج
انما انا همى على بناتنا وستاتنا الى اشغالهم بتجبرهم على الخروج
وظاهره التثبيت دى كمان انا كنت باشوفها فى الافلام الامريكانى زمان وخصوصا فى شارع هارلم فى نيويورك بقت موجوده عندنا وعادى نظرا للاقتباس المفيد
عشان كده انا فتحت الموضوع ده احنا المفروض نتصدى للظاهره ولا الحكومه؟
على فكره انا مش عارفه الحل بس زى ما قولت باطرح الموضوع وكل واحد يقول الى عنده
هوة التصرف اللى ممكن اعملة (ولا حاجة)
حاعمل اية دة انا لو واحدة شتمتنى مبردش عليها
يبقى لو ولد عمل لى حاجة حرد علية كل اللى بعملة
بنظر لية باحتقار وبمشى
وعلى فكرة انا مش ضعيفة بل بالعكس جدا لى شخصية قوية جدا
لكن مقتنعة بفكر معين
مقدرش اضع نفسى فى موقف مهين حتى لو حلنتصر فية
معاكى حق حبيبتى وهو ده الى احنا اتربينا عليه كلنا
المشكله ان المجتمع اتغير
على فكره المشكله ان الموضوع ده مش فى مصر بس ده فى كل الدول العربيه بس شكله بيختلف من دوله للتانيه
وبقى اى شاب او راجل بيتدنى للموستوى ده بيبقى معتمد على ان مفيش حد هايوقفه عند حده ولا فيه قانون يقدر يثبت عليه حاجه
يعنى السلبيه بتودى لجريمه
يا رب عفوك
حسبنا اللله ونعم الوكيل
بس تفتكرو ان الواحده فعلا لازم تسكت مش لازم تاخد موقف تفضح بيه البنى ادم ده
ما هو لو اتفضح مش هايعملها تانى
ايه رايكو؟