البسكويت ب الكاسترد والتوت رائع ولذيذ

البسكويت ب الكاسترد والتوت رائع ولذيذ
البسكويت ب الكاسترد والتوت رائع ولذيذ
البسكويت ب الكاسترد والتوت رائع ولذيذ

غالياتي وردات رجيم :
عملت نوع من الحلويات وهوالبسكويت مع الكاسترد والتوت وفعلا طعمه رائع ولذيذ
بدي خبركن انو دخولي عالمنتدى رح يقل كتيير لأن بعد العيد مباشرة عندي امتحان وبدي حضر منيح لأنها سنة تخرج ادعولي بالتوفيق بإذن الله سبحانه وتعالى وبتمنى منكن أن تبعتولي روابط مواضيعكن يلي حتنزلوها بغيابي حتى مايروح عليي شي وبس ادخل اذا ضلينا عايشين بقرأهن ولكن جزيل الشكر واشتاقولي ويلي مابتشتئلي ما رح طعميها من هالطبق هههههههههههه.

علبتي بسكويت سادة
ظرف نيدو
ظرف ميلو أو كاكاو يلي تحبيه
4 م ك كاسترد
صحن التوت + القليل من التوت للحشوة
كوب سكر
كوبان حليب
كوب جوز هند
4 م ك نشاء
كوبان ماء
م ك زبدة

نكسر البسكويت ونضيف لها الزبدة ونصف جوز الهند

وظرف النيدو

ونصف ظرف الميلو

وملعقتين حليب وندعكها بلطف حتى تتجانس ونكون دهنا القالب يلي بدنا نعمل الطبق فيه بالزبدة

نمد البسكويت ع مساحة الطبق ونتركه على جنب

بهالوقت نضع الحليب وباقي الميلو ونصف كوب السكر عالنار

ونضيف للكاسترد ماء او حليب بارد

ونحركهم جيدا لأن قوامهم يكون سوبر سميك بقا نحركهم ليصيروا كالشوربة ومجرد يغلي الحليب نضيف محلول الكاسترد للحليب بسرعة ونحرك بسرعة حتى لا يتكتل ونتركه دقائق عالنار ونطفئ وننتظر ليبرد

نسكب الكاسترد فوق البسكويت ونضعه بالبراد
وبهالوقت نضع التوت وكوبا الماء ونصف كوب السكر المتبقي و4 م ك نشاء بالخلاط

ونخلطهم جيدا ثم نسكبهم في منخلة للتخلص من بذور التوت الشامي

ونضعهم في وعاء عالنار ونستمر بالتحريك حتى يغلوا ونتركهم عالنار كم دقيقة ليثخن قوامهم

ثم نطفئ النار
نخرج البسكويت والكاسترد من البراد

ونضع فوقهم طبقة بسكويت جديدة بدون تكسير

وفوق كل بسكويتة حبتين توت شامي ثم نسكب خليط التوت يلي بالطنجرة ويدعى التوتية وقد نزلته لعيونكن سابقا غالياتي ونزينها بجوز الهند

وممكن تعمليها بنفس الترتيب لكن في زبادي صغيرة وكل واحد ياخد زبديته (مشان ماحدا من الأولاد يتخانق مع حدا انو أخد القطعة الأكبر ههههههههههه) وعند التقديم تقلبي الزبدية في صحن فتكون طبقة البسكويت من الأعلى وتحتها الكاسترد وفي الأسفل التوتية

ملاحظة: بالبيت مافي غير أنا وزوجي و أنا كترت الكمية مشان اعزمكن يا غالياتي
وهذا الشكل النهائي