موَّت غيابك سوالف ..!
يخوِّفني زماني
بس من فرقاك خايف ..!
فجأه أصحى وما أشوفك ..!
لا تهددني … ظروفك
إعتبرني .. حلم / واقع
وإلاَّ ظلٍ ما يطوفك
ضاميٍ عطشان .. جيتك ,
لا يعشمني سرابك ..!
تسمح بكلمه ؟!
………… بغيتك :/
قبل لا تبدي غيابك ..!
تدْري وشْ معْنى غيابكْ
؟
يعْني :
أسْوَءْ شيْ شفْتَهْ طولْ عمري !!
تبْدي ضحْكاتي هلابكْ
وفي وداعكْ
ما ينامْ الجَرحْ بدْري !
وإنتْ كيفكْ
شوفْ وشْ ناوي عليه !
هاكْ قلبي وهاكْ سيفكْ
وسوْ فيني اللي تبيه !
لا تحاتيْ
صفّحْ بكيفكْ جروحي
وإشْطبْ آمالي و طموحي
وإعْتبرْ قلبي كتابكْ !!
تدري وشْ ح ط ّ م غيابكْ ؟
مرْكَبْ بداخلْ شعوري
منْ نسى قلبكْ .. حضوره
قلبي ما واجَهْ / شعوره
عندي ما به شي ضروري
فاقد إحساسْ الأماني
لا مراسي لا مواني
وصارتْ الدنيا / قسى !!
وصار دوري ..
أعشق أنواعْ الأَرَقْ !
وألفظ أنفاسْ الغَرَقْ !
وصوت معناه الخَطَر !
وقلبْ ميّتْ / يحتضر !
منْ غيابكْ السلامه
فيها قلبي ما رسى !
لا صباحي هو صباحي !
ولا مسا قلبي / مسا !
يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني
والسؤال اللي ذبحني :
– صدق هو فعلاً نسى ؟
راح وأهداني الأسى !
وما وصلتْ إلا ل حقيقه :
الجفا أسْهَلْ طريقه ل/القسى..!
تدري لو ينطق غيابك ؟
بس أبسأل وين كنت ؟
ووين رحت بغيبتي ؟
وبسأله عن وضع قلبك !
هنت عنده أو ما هنت؟
ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنه !
إيه كل الناس عندي
بس مابيهم بدونك ..!!
تدري يا عمري بأنك .,
عندي كل الناس إنت !
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي ..
ما اخونك لو تجافي
ما هو آنا اللي إن ضاقت علي الدنيا / خنت !
غيبِتِك [ قسمه ونصيب ]
خلْني أشرَه ع ( الزمن )
يا حبيبي .. ما هو عيب
إن بكى فيني .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينه .. ولا سكن..!!
ماااات .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!
تدري وش ناتج غيابك ؟
زادت ب قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل ه الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه ب الجروح !يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون و صديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطب " !
عليك شلون ما أزعل ؟
وتسوِّي أشياء تجرحني !
تضايقني ب أفعالك ..
وتظن إنِّك مفرحني ؟
تسوِّد وجهي ب طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابت ..!
هقيته فيك يطلع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعه صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير ل جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!
راقت لي واتمنى ان ينال اعجابكم
