كيفكم حبيباتي
طبعاً اذا مو كلنا معظمنا بحب الاكلات الشعبيه والتقليديه والي توارثناها من الاباء ألى الاجداد
طبعاً من هاي الاكلات والي بتشتهر فيها فلسطين هي المنسف الفلسطيني
بس طبعاً احنا الجيل لصغير النا تعديلاتنا واضافاتنا
ما بدي اطول عليكم وما بدي اجوعكم اكثر
خلينا نبلش بالمنسف
2 كيلو لحمه خروف مقطعه قطع وسط
3 كوب ارز منقوع او حسب الرغبه
2 حبه بصل + ورق غار + فلفل حب وهيل وقرفه
ملح + عصفر + بهار منسف + زنجبيل حسب الرغبه
لبن جميد بلدي او اي نوع تاني طبعاً انا بذوبوا على ايدي بعد نقعوا فتره زمنيه
للتزين
بقدونس
لوز محمر
الطريقه
بنوضع اللحمه بالطنجره وبنضيف عليها البصل والهيل ورق الغار وزيت الزيتون
والهيل والفلفل والقرفه بنخليهم شوي حتى يتهبلوا على النار وبعدين بنضيف الملح وباقي البهارات وبتتركيهم شوي
بعدين بنضيف الماء على فوق اللحم وبنتركها حتى تغلي وبنسكر الطنجره عليها حتى تستوي اللحمه .
وبهذا الوقت بنجهز الرز بنقوم بوضع الرز في طنجره وبنضيف عليها زيت الزيتون
والملح والعصفر حسب الرغبه طبعا وبنقلب الرز بالزيت شوي قبل ما نضيف المي
طبعا مقدار المي بعتمد على نوعية الرز مثلا الرز المصري كاسة الرز بتاخد نفس المقدار من المي
طبعا انا حطيت 3 كوبيات ميه على الرز وبترك الرز حتى يغلي وبعد ما يغلي بوطي النار تحتيوا وبتركوا تيستوي
تجهيز اللبن طبعاً اللبن الي عندي جامد ولازم دوبوا
قبل فتره بكون ناقعوا بالمي تيسهل علي عملية تذويبوا
بقوم بتذويب اللبن سواء على الخلاط او على ايدي
في هذا الوقت اللحمه بتكون استوت بقوم باضافة اللبن عليها
وبتركها تطبخ مع اللبن من 15-20 دقيقه طبعاً بعد ما تغلي
وبعد هيك بشيل اللحمه من اللبن حتى ما تذوب لانها بتكون مستويه كثير وبضعها على جنب
طبعاً عنا خبز شراك او الصاج بقوم بتقطيعوا الى قطع صغيره
بضيف القليل من اللبن المطيوخ علي حتى يطري الخبز ويصير اسهل للاكل
طبعاً بضيف الرز فوق الخبز وبرتبوا بحيث لا تظهر اطراف الخبز من صحن التقديم
هلا بضيف اللحمه فوق الرز
وبعدين بضيف اللوز المحمر والبقدونس على اللحمه
طبعاً في ناس ما بتحب الخبز او المنسف في طريقه تانيه للتقديم بنوضع اللحم مع الشوربه في صحن وبنوضع صحن رز جنبهم
وهذا الشكل النهائي لطبختي ويا ريتها الف صحه وهنا
استغفر الله العظيم واتوب اليه
يسلموا ايديكِ حبيبتي
تقييمي واعجابي
لاقوة الا بالله
اكلة ولا احلى ولا الذ
تسلم الايادى ياغالية
وصحتين وهنا عليكم
تقبلى مرورى وتقيمى
طبخة روعة واكيد من ايدينك اشهى واطيب
حبيبتى الصور انتى رفعتها على مركز تحميل المنتدى
لان بعض الصور لاتظهر عندى
وطبعاً قيمت قبل الرد
وحالاً الوسام
وطبخه رهيبه
وشكلها ارهب
تسلم يديكي عزيزتي
بس والله فكرة اني اضيف اللبن على مرقة اللحمه حلوه كثير
انا بفضل احرك بللبن مع مرقة اللحم وبضيف نشا حتى يغلي
لاننا تعلمنا بهالطريقه مابيفسخ اللبن عن الماي
اكرر يعطيكي العافيه وتسلم يديك