سمك قرموط صياديه
سمك قرموط صياديه
اهلا بيكم يا احلى وردات
اخباركم ايه؟
عملت صياديه سمك انما ايه؟
1 -كيلو ونص سمك قرموط
2 – بصله كبيره
3 – كيلو الا ربع طماطم
4 – كمون وملح
نظفته كويس جدا وقطعته
وحطيته فمايه وخل وليمون وبعدين صفيته وقليته فزيت
علشان دمه ينشف
ودى مهمه اوى
وبعدين على ما اتنقلى
كنت
قطعت البصله وسبتها تصفر
ولما اصفرت نزلت بالطماطم المضروبه
وحطيت الملح والكمون
ولما اتسبكت
حطيت السمك
وسبتها تغلى غلوتين
وطفيت عنها
بالف هنا وشفا
وقدمت معاها
رز اصفر بالكارى والكركم
وسلطه
وسمك بلطى مقلى
وبالف هنا وشفا
وبالف هنا وشفا
تقييمي واعجابي ومبروك الوسام
اسكتى مش عملت فيها جدعه وشاطره
وجبنا السمك صاحى يا خراشى على اللى حصل
هههههههههه هو فى الاول عمل فيها ميت
اجاى امسكه والله العظيم كان بينط لحد السقف بتاع المطبخ
والمطبخ اتبهدل كان حته يوم يلا بقى
احلى تقييم
حد بيجيبه صاحى
هههههههه
بابا زمااااااان
كان يجيبه صاحى
ونلعب بيه
ههههههههههه
نورتى ياقمر
واكيد ماشاء الله عليكِ ست بيت ممتازة
واطباقك كلها احلى من بعض
وافر الشكر
واحلى تقييم لعيونك
ما شاء الله روعة سلمت يداك