كيف الحال يا بنات ! انشاءالله الكل بخير ومحد يعاني من شي !
هاذي اول مشاركة لي في هالمنتدى وانا حابة اعرض تجربتي أو بالأحرى خلنا نكون صريحين " تجاربي " حول جميع انواع الرجيمات
قبل ما ندخل في الموضوع عندي شي ابا اقوله
منو منا نحن البنات ما فكرت في يوم ان جسمها يكون متناسق و حلو و اهم شي تكون صحية ! منو منا ما فكرت ان قوامها يكون حلو ! منو منا ما حلمت في يوم انها تحصل على هذاك الجسم اللي
عند عارضات الأزياء !
حلمت ! وكلنا حلمنا ! ولكن لو تفكرون فيها الحلم بيتحقق في اقل من 3 او خلنا نقول شهرين !
بنات ! المثل يقول " اللي يبا الصلاة ما تفوته … "
كل وحدة منكم لازم تيلس مع نفسها يوم و تصارح نفسها او بالاحرى تقنع نفسها انها "دبة " ولازم تغير هيأتها خلاص انتي من استويتي دبة ليش ما تغيرين نقطة في حياتج !
…… مقالي انتهى بنتقل لحياتي …..
انا ما بتم احلف ( والله هذا و هذا واستوى وصار ) لا ! لنه كل شي يريد ارادة و عزيمة و صبر !
بدون هالثلاثة ما بيتحقق الحلم !
انا مثلكن
تمنيت ان يكون عندي جسم حلو و قوام متناسق! ما اقولكم ما رحت عند التغذية . رحت وجربت رجيمهم … وجربت وجربت بس انا اللي ما كنت اواظب ما كنت التزم ولكن في يوم ! يوم واحد قررت
و قراري كان ملتزم على ارادتي وعزيمتي
كنت خلاص ابا اغير خلقتي
أبا اكون غير ! غير في شهرين ! بس شهرين !
طبعا اتبعت ريجيم … وهالرجيم ما بقولكم ان صعب ولا سهل … متوسط ! عادي ! لو اتبعتيه معدتج بتتعود عليه من خلال يومين بس !
كنت 123 بس الحين …. .(( 60)) طبعا هذا يعود لارادتي و عزيمتي !
وفوق هذا كله حبيت اقول شي
مب شرط يكون معانا حد يشجعنا ليش ولا وحدة منكم تفكر تنجح بروحها ! تحقق شي تفرح فيه بعدين ! بس يا بنات الجسم صحة صدقوني محتاج رعاية تحت شروط معينة .. مب كل شي لازم تحطين فيه
ترى المعدة مب وايد كبيرة ! صغيرة ! تخيلوا المعدة …. كيف صغيرة وانتوا تحطون و تحطووون وتحطون … ريوق : بيض عيون مقلي وجبن و خبز و جاهي ,,, الغدى: عيش طبعا وعقب الغدى لازم العصر حلاوة دسمة و العشى لازم في دسومه
فكروا
كم المعدة بتاخذ وكم بتخلص !!!
its nutriton
تغذية للجسم لا اقل ولا اكثررر
اليوعان ياكل حصى
عالعموووم
أنا اعرف كلامي جرئ شوي بس حبيت احرك في ناس ما يتحرك فيهم شي اباهم يغيرون من نفسهم
وانشاءالله استفدتوا
NUTRITION GIRL
مبروك حبيبتي عقبالي يارب
انا89
واتمنى اوصل 60
ما فهمت شي!!!!!!!!!!!!!!!!!!!!!!!
مبورؤؤؤؤؤؤؤؤؤؤؤك النزوؤؤؤل حبيبتيو عقبالنا يارب
بس ماقلتي اش النظام اللي اتبعتيه..؟