طريقة عمل السمن من الزبدة
طريقة عمل السمن من الزبدة
طريقة عمل السمن من الزبدة
الطريقة سهله مرة وكل الـي تحتاجيه زبدة وقدر عـ النار
انا هنا استخدمت كوبين ونص زبدة وانتي استخدمي المقدار الـي يناسبك
الطريقة:
أضيفي الزبدة في القدر وذوبيها على نار عالية
(بتلاحظي تكون رغوة عـ الوجه) اذا ذابت الزبدة.. هدي النار للـ وسط واتركيها تغلي الين
الرغوة تبدأ تفصل عن بعض والسمن الـي تحته تحسي صار في لونه شفافية مثل الصور
اذا وصلتي للمرحلة هذي طفي النار سمنك صار جاهز بس ضروري وقت
الغلي يكون عـ نار متوسطة انتبهي من النار العالية بتحرق السمن
وبرضو لا تغليه زيادة وهو ما بيطول ياخذ تقريباً 15 دقيقة ممكن اقل وممكن اكثر
حسب كمية ونوع الزبدة.. المهم جهزي المرطبان الـي بتعبي الزبده فيه وصفاية
واهم شي يكون نظيييف ويا حبذا العازل عن الهواء عشان تقدري تخزنيه برهـ الثلاجة
ونقطة ضرورية اذا بتعبيه في مرطبان قزاز فرغي السمن من القدر لأي وعاء
ثاني ستيل او حتى قدر ثاني عشان نوقف وصول أي حرارة زيادة لـ السمن
لأنه بيكون حااااار موووت لأن درجة غليان الزيوت والدهون عااالية
وممكن اذا عبيتيه بـ المرطبان على طول ينكسر معك<< صارت معها
عبي المرطبان شوي بـ البداية وانتظري ثواني ثم شوي زيادة وكمان ثواني
بعدين عبي كل السمن دفعة وحدة لكن بهدوء
الحركة هذي مو ضرورية لكن فائدتها بتنقل الحرارة للمرطبان بهدوء
تفادي لـ أي أي فرصة إنه ينكسر من الحرارة المفاجئة<< تعقدت ههههه
بيتبقى عندك خلاصة السمن ناس ترميها وناس تاكلها انتي براحتك
لكنها لذيذة مع الخبز والساندويتشات خصوصاً لو كنتي مسوية السمن بـ زبدة مملحة
جربيها مع ساندويتشات الدجاج حمري صدور دجاج على مقلاة او بالشواية
او بالفرن الين تنضج.. ادهني الخبزة بهذي الخلاصة أضيفي الدجاج وخس وطماطم
وجبن… ويممممممي لذييييذ جداً
المهم انا حفظتها في مرطبان صغنون وبعد ما تبرد
احطها بالثلاجة لأن الخلاصة قد خربت معي بـ حرارة الجو العادية
وبس انتظري السمن يبرد ويجمد وبالعافية… هذي صور متفرقة
