الوسم: الرشآآقه

حبيبااتي عسااكم كلككم بخيير وكل عام وانتوا بسعادة وهناء بمناسبة عيد الاضحى
حبيت اتكلم لككم عن تجربتي في انقاص وزني من 77 ونص الى 56 ونص يعني خسران 21 كيلوو في سنة و6 شهور تقريبا
اني كنت قبل الرجيم حالتي اقعد عند التلفزيون اشاهد طبعا جنبي صفريه كورن فلكس وحليب طبعا مايهمني قليل كامل اهم شئ يقضي غرض وجنبي بالجهة نفسها صفرية اندوومي والجهة الثاني كيس مليان شيبسات ساره ونوره وكوكتيل وليز وعمان وصحاؤي وخضروات وفونزيز ووو كثيير اجهزهم لي طبعا وتوكس وعصير مانجوو اكل نص هلاشياء واشبع بس لا اقول لززم اكملهم بيتنا يقولوا لي الى متى بتضلي كذا انتي جميله يعني بصراحه اني بالصلاة ع النبي حلوووة ووايد بس النشاط مخربني مررره حتى اتذكر من كثر الاكل والمقالي والنوم بعد الاكل وعدم الحركه بس اكل واشاهد وانام يعني تحسووا بلا هدف بس افكر وش بتغدا وش بتعشى وش بطلب لي من المطعم وش بعطي اخويي عشان يروح يجيب الماي لي لاني مو قادره اخف عممري صارت السمنه لركبتي وصرت اعري تخيلوا بنت في ثاني متوسط مو قادرة تمشي خطوتين والا قلبههها يرقع ويصفق وحاله طبعا خواتي اذا ماجابوا لي اكل اطنقر وازعل واذا جابوا لي استانس وافرفش وامسك اولادهم شووي امووت في التوكس في البطاطا المقليه احب اكل حتى لو اني شبعانه بعدين فترة صار عندنا حفلة اخوي وقبلها ماقوول لكم كيف حالتي مع بيتنا والتهزيئات اللي اسمعها اضعفي خففي ع روحش هذا مرض واني اقول في نفسي طنش تعش تنتعش ولا ادق خبر مع انه كان ودي انحف واصير مثل صديقاتي بس خلاص حاطه ببالي اني ماراح اقدر قبل الحفله رحنا ندوور ملابس قلبي ضاق اشووف ملابس حلووة وتناسبني يعني تجذبني لها الوانها ملفته مخصره وتناسبني لاني بيضاا بووايد وتناسب سني بس للاسف مالقى مقاس زين علي اضطر اخذ اي شئ يدخل وبس اناظر نفسي بالمرايا والملابس عليي واتححسسر ع اللي يقدر يشتري اللي يعجبه دوون تدووير وغصبان ومو طيب قلب صارت الحفله وبعد الحفله الكل عارف انه زواج واتفقووا اخواني ثنينهم يتزوجون سوا تعرفوا يعني عن التكاليف والزحمات اني هنا وقفت قلت خلاص ببدا رجيم واسوي رياضه وانزل وزني بالبدايه كان صعب اششد الصعووبه تجلسين ويجيبون من المطعم وانتي تسوي رياضه تقولي لو ماسويت هذا كله لو اكلت بعتدال بس كلمة لو ماتنفع الوقت صار جدي ياتخربي وتستسلمي والا تكملي وتواصلي اخر المشوار كنت اعاني كثيير خصوصا تعرفوا الواحد لما يبدء رجيم اكيد ماراح يتغير بسهوله الكل يقوول مابتقدري ويضحكوا لما اكل فواكه وخضار وجميع انواع التحطيم اول ماكنت اسوي رجيم كانت كل اساليبي خطأ في خطأ وكانت ايام دراسسه يعني صعبه تركزين دون اكل اول اسلوب كنت ماكل ولاشئ من الصباح لليل اكل 2 توست بر وجبنة قليلة الدسم وليوم ثاني كذا والرياضه اسويها يوميا نص ساعه ثاني اسلوب كنت اخلي لي يوم مفتوح الاربعاء اروح اجيييب كككككككل الممنوعات والخرابيط واكلها عبال انه مفتوح يعني وتعرفوا البطن لما ينفتح خلاص عاد وش يسكره مايتسكر واضل اخرب الخميس والجمعه ثالث اسلوب كنت اووزن كل يووم لا ومو الصباح كنت اوزن بعد مارجع من المدرسه كل يوم اوزن القى ناقصه نص امووت من الوناسسه وارجع اقسى ع نفسي اكثر واكثر قرب عرس اخواني واني ابي حل لمشكلتي حاولت ابحث ولقيت المنتدى اللي احلى من الحلى منتدى رجيم وكتبت فيها اول موضوع لي واشتركت في قروبات كثييره وصار عرس اخواني اللي لاحظ لاحظ واللي مالاحظ يعني عنده اني ماتغيرت وصلت الستين استانست كل ماوصل مرحله نقص الوزن ارجع اقسسى ع نفسي بسبب الحماس والطمع اني انقص اكثر جاء رمضان شهر الخير الله يعودنا عليه اميين وصار وزني في الخمسينات ماقولككم كيف كنت بامووووت من الوناسسه وزني كل ماله ينقص واني مستمره بالرياضه والتخفيف ماسويت تخفيف الا بعد الرجيممات كانت تمر عليي اسابيع وزني ماكان ينقص ثابت وتمر اسبوع زايد نص مع اني ملتزمه يعني ججد شئ يقهر انش تتعبي وماتشوفي نتيجة تعبش صرت اكسر الرجيم وارجع ابدأ من جديد صار ينقص تدريجيا فتحت المدرسه البنات لما شافوووني ماصدقووا شهقوووا يقولوا لي زهراء وش سوويتي في نفسش كييف صرتي كذا وصديقتي الثانيه تقوول مو حلوو النحف عليش مليانه احلى وتقولي صديقتي مايضعف كذاا الا الحب اعتررفي تخيلوا بنات سيرتي صاارت ع ككككل لسان المدرسه واني كيف نحفت وتغيرت عن قبل خصوصا اني سوويت لي مريوول مو فسيح مرره لا يعني يبين كثيييير اني نحفانه اسبوووع كامممل وكل المدرسه تناظر فيي واني امشي بثقه واني كيف كنت وكيف صرت امشي وابتسم ابتسامه ثقة وتحدي ع كل اللي تكلم حتى لو مو قدامي بس من وراي ماتتخيلوا قد ايش طعم الانتصار حلوو اتمممنى كل بنننت تذووقه وتحسس هالاحساس احساس وشعوور صعب وصفه الا اذا حسسيتي فيه طبعا بيتنا الكل صار يعرفني زهراء القوية اللي قدرت وتحمملت وشجعت نفسها قبل لاحد يشجعها الككككل قالي نحفانه وضععفتي ووقفي رجيمات لان طوولي صار جدا مناسب لوزني وصرت تقريبببا في المثالي بس اني قررت وقلت لم ولن استسلم بكممل واواصل ليين ادخل عالم الاربعينات
الاشياء اللي تصلححت عندي
انوو اذا ماكلتي شئ ماراح تحرقي شئ
الوزن مايكون الا يوم بالاسبوع مو كل يوم نطه ع الميزان
انو الرجيم مو صعب ولاسهل بس مع التعوويده كل شئ بيصير مثل ماخططتي
الاشياء اللي فادتني بالرجيمات
الشاي الكشري جربت يمكن شهرين تقريبا وحاسه استفدت عليه بس الان تركته
الليمون والكمون ع الريق يمكن شهرين بس تركته
الشاي الاخضر ثم الشاي الاخضر ثم الشاي الاخضر بعد الاكل بساعه
الرياضه ماوصيككم بها يابناات هي اللي تبين نحفش وضعفش وماراح تتركي الرجيم ويبدا جسمش بالترهل الا اذا ماسويتي رياضه فححتى تضمني جسم غير مترهل مشدوود لاززم رياضه
اكيد الاكل الصحي واجتناب اكل هالمطاعم اللي كله زيووت ومقالي اكل الخضروات الفواكه مشتقات الحليب القليلة الدسم الدجاج والبروتينات
ابتعدي قدر المستطاع عن النشويات الخبز او الرز او المعجنات تررى يابنات المنطقه الاخيره من الجسم اقصد الارداف والفخوذ ماتسمن الا من النشويات
السباحه بعد الرياضه مباشره تشد الجسم
شرب الماي بكثره لان الماي يحرق الدهون ويعطي نظاره للبشره وقبل الاكل اشربي كوبين ماي قبل كل وجبة حتى تضمني انو ماتكلي كثير
اي احد يجيب لش الاحباط او التمسخر ياليت مايعرف انش جالسه تسوي رجيم
اطلعي قدام الكل بككل ثقة البسي ع كيفش وذوقش واللي يناسبش حسسي براااحه بثقه بنظرات الكل عليش كيف كنتتي وكيف صرتي لاتحرمي نفسش طعم الانتصار الواحد كم مرة بعيش مرة وحده بس اقهري كل من حولش كل من استهزاء فيش او استهان بقدراتش اثبتي للكل انش تقدري ترى اذا انتي ماساعدتي نفسش من الداخل مستحححيل احد يقدر يساعدش اسفه لو طولت عليكم ..