الوسم: التسنيم

مش كبسة قوى يعنى

المكونات

-دجاج حسب افراد اللى عاملين رجيم
انا استعلمت ربع دجاجة لانى بعمل رجيم لوحدى فى البيت
– كوب أرز بنى مغسول ومنقوع لمدة 6 ساعات
-نص كوب جزر مقطع
-نص كوب بسلة
– بصلة متوسطة مقطعة شرائح
-بهارات الكبسة العادية ( 2 ليمون اسود – عود قرفة -حبهان – ورق غار – قطعة زنجبيل حصى لزوم الرجيم -قليل من القرنفل الحصى)
-بهارات مطحونة قليلة من التشكيلة الصحيحة
-ملح و فلفل اسود حسب الرغبة

الطريقة

-اول شئ بنسلق الدجاج المغسول جيدا ومنزوع الجلد
فى ماء ونضع فى ماء السلق كل البهارات الصحيحة
-بعد ما تغلى شوية وتكون الفراخ نص سوى
نشيلها من ماء السلق ونحمرها فى الفرن من جميع الجهات
-ونأتى بوعاء الطبخ
نضع راق من الارز البنى وفوقه شرايح البصل كما فى الصورة

ونضع فوقها الفراخ المحمرة فى الفرن كما فى الصورة

وبعدين نضع الجزر المقطع والبسلة

ونضيف باقى كمية الارز البنى زى الصورة كدة

ونصفى ماء السلق بتاعة الفراخ والبهارات ونضعها على الارز

ونحكم غلق الغطاء ونضعها على نار هادئة لحين ما تستوى
وتقدم وبالهنا والشفا كلى كبسة من غير كا تتخنى

لو تحبى تزينيها باللوز ممكن تحمصيه فى الفرن او الميكرويف
بس انا ما ضيفتوش علشان اقلل شوية من عدد السعرات
يلا كبسة على قد ما قسم هههههههههه
كله يهون علشان الرجيم والرشاقة
ويــــــــــــــــــارب الطبق يعجبكم والطعم على ضمانتى