الوسم: الأصابع

اليوم جبت لكم اكله بيحبوها عيالي كثيييييييييييير ….. و ابوهم …و امهم كمان 🙂
سهلة كثير و طعمها واااااااااااو … حسب الاذواق طبعا
اسمها الاصابع … و هي عبارة عن بطاط مهروس مع بيض مفور و جبن مثلثات

هذا البطاط المسلوق مع البيض … انا عملت 3 حبات بيض مع هذه الكمية من البطاط

و هذه الخلطة … البطاط بعد ما انسلق كويس و البيض مقشر و مقطع و جبن مثلثات .. و ما اكثر جبن مثلثان لأنه اذا زاد ما اقدر الفلف البطاط و اعمله اصابع

اول شي اهرس البطاط كويس ..يعجبني اهرس بالقلص 🙂 …… و بعدها اضيف البيض و الجبن .. و لما يكون البطاط عاده حامي تذوب الجبنة فيه

و هذا شكله بعدما يتهرس مع بعضه … و اتركه شوية لغاية ما يبرد

بعدين ابدأ أشكله على شكل اصابع … و اتركه شوية عشان يأخذ الشكل و ما يفرط مني وقت التغليف

و اجيب صحن فيه دقيق و صحن فيه بيض مخفوق و صحن فيه بقسماط …..

و ابدأ اغلف الاصابع .. دقيق بعده بيض و بعده بقسماط …. و هذا شكله في النهاية

احطه في الثلاجة نص ساعة او ساعة و بعدها اقليه في زيت غزير … ما يأخذ وقت … و هكذا يصبح شكله

و هذا كان عشاء عيالي اليوم ….. الصحن الازرق لأبني الله يحفظه و الصحن الوردي لبنتي الله يحفظها … مع عصير التوت

و طبعا من الاستعجال نسيت ما احط اسمي على الصور 🙂 … خيرها في غيرها

ان شاء الله تكون طبختي عجبتكم و جربوها … سهلة كثير و طعيييييمة