بسم الله
هل اجد فيكم من يسمع معاناتي؟؟ ؟
من استطاع ان يساعدني فله جزيل الشكر ومن لايستطيع فدعوه من قلب صادق لعل الله ان يستجيب ويغير حياتي
ــــــــــــــــــــــــــــــــــــــــــــــــــ ـــــــــــــــــــــ
انا متزوجه من 3 سنوات كان وزني قبل الزواج 57 طبعا مع كرشة وجسم مترهل بعد ما تزوجت طلع للـ 62 وصارمرة طالع ومرة نازل من62للـ 57وهكذا
سجلت في نادي 4شهور ما تزلت الا كيلو ورجع
بعد سنتين من زواجي حملت وجبت بنوته عمرها دحين 6 شهور الان وزني 71
ــــــــــــــــــــــــــــــــــــــــــــــــــ ــــــــــــــــــــــــ
,,,,,,,,,,مشكلتـــــــــــــــــــــــــــــــــــ ــي زوجي,,,,,,,,,,
زوجي مبهدلني تريقة وتغير عليه عشان وزني وجسمي
يقولي عشم ابليس في الجنة انك تنحفي يقول سويت لك كل شي بس انتي مامنك امل ويقول كلام كثير يوجع القلب حتى انه ما صار يعطني حقي الشرعي ولما سألته ليش قال انك ما تشجعي احد يقربك بصراحة انا صُدمت لما قال كذا نفسيتي صارت زفت كرهت حياتي ونفسي اهملت نفسي وبيتي طول الوقت حزينة ومكتئبة
نسيت اقولكم اني مع الحمل ارتفع ضغطي واستمر بعد الولادة الدكتورة حولتي لقسم التغذية عشان اذا نزل الوزن حينخفض الضغط وعطتني رجيم امشي عليه وبديت فيه والله من بعد كلامه وقفته وصرت مااكل ولما مرة اجوع اكل اي شي تمر مربى حلاوة اي شي بس اسد جوعي واقوم ببنتي وشغل بيتي
عندي سير وعندي اشرطة تمارين بلاتز وعندي كتب عندي كل شي بي انا مالي نفس اسوي رياضة حاسه انه موتني بدل المرة الف مرة بكلامه
انا اعترف انه ماقصر بس انااذا نفسيتي تعبانه مااقدر اسوي شي تخيلو شهرواكثر في البيت محبوسة وهو ماخذ اسبوعين اجازة ولا خرجني حتى لبيت اهلي كل مااقوله متضايقة خرجني يقول بعدين
انا ما عندي ارادة واكره الرياضة واكره نفسي
زوجي حطم نفسيتي وهز ثقتي بنفسي الله يسامحك يازوجي دنيه واخره
هذي معاناتي ارجوكم ساعدوني ما ابغى اخسر زوجي انا احبه لانه كل شى في حياتي اشوفه ابويه واخويه وكل دنينتي
انا ما الومه لاني بصراحة قرفانه من نفسي وشكلي والله بالايام ما اطل في المرايه من بشاعة شكلي
آآآآآآآآآآآآآآآآآآآآآآآه اكتب ودموعي على خدي هو نايم ومرتاح وانا النوم جافاني
افكر وافكر انام واصحى الاقيه طاير مع وحده ثانية
خلاص راسي بتنفجر من الصداع
سامحوني عاطالة بس ابغاكم تساعدوني لو بكلمه ترفع معنوياتي
وسامحوني اذا مارديت على احد لان النفسية زفت والله المستعان
اتمنى عدم نقل الموضوع لقسم اخر
هل ممكن يجي يوم واصير كذا دعواتكم