هذي اول مشاركه لي في قسم الطبخ
طبعا بسبوسه الجالكسي طعمها لذيذ جدا
طبعا طبقتها من ايميلي
الله يجزاها خير صاحبة الطريقه وانا اعددتها لكم بالصور
جربوها وراح تنسون البسبوسه العاديه من لذتها
وضيوفك بينبهرون من طعمها وشكلها
المقادير بالصور:
علبة حليب مركز محلى اي نوع سواء لونا او نستله او بوني
علبة قشطه اي نوع التاج او المراعي او بوك طبعا وسط كما بالصوره
انا استخدمت قشطة بنده
ملعقه صغيره بكنج بودر
ملعقه صغيره فانيليا
3 حبات بيض
سميد : طبعا كميته تاخذين علبة القشطه كمقياس بعد ماتفرغين القشطه وراح اذكرها في الطريقه تحتفظين بعلبة القشطه وتضعين واحد ونص سميد
يعني تعبين علبة القشطه سميد ومره اخرى تعبينها الى النص سميد <<إن شاء الله واضح
جوز هند بنفس علبة القشطه تحطين ثلاث ارباع او اذا حبيتي واحد يعني تعبين علبة القشطه كامله
سكر: بنفس علبة القشطه واحد سكر
ملعقه كبيره كاكاو بورده ,انا استخدمت هانتز المره<يعني طعمها مر
بياله شاهي زيت
3 حبات بسكوت جالكسي ساده
حليب مركز محلى
قشطه
كاكاو بودره
زيت عافيه<<ناخذ فنجال شاهي
فانيليا وبكنج بودر
بيض
سكر
جوز الهند
سميد
يتبع الطريقه
الطريقه
نقوم بوضع المقادير التاليه في الخلاط
القشطه +البيض+الفانيليا+البكنج بودر +الزيت +السكر + بودرة الكاكاو
نقوم بخلطها جيدا كما هو واضح بالصوره
ونضع السميد وجوز الهند كما ذكرت مقاديرها في الاعلى في زبديه
ونسكب عليها الخلطه السابقه
ونقوم بخلطها بالخلاط اليدوي جيدا حتى تتجانس
ثم نحضر صينيه بااايركس وندهنا بقليل من الزيت ثم نصب الخليط
وندخلها الفرن في درجه حراره منخفضه جدا مثل درجه حرارة خبززز الكيك
ولا نقوم بفتح باب الفرن ابدا الا بعد نصف ساعه حتى لاتهبط البسبوسه
واذا استوت من الاسفل نقوم باطفاء الفرن من الاسفل واشعاله من اعلى حتى تتحمر قليلا
ثم نخرجها بعد ماتستوي ونقوم بتشريبها بالحليب المركز المحلى >> لونا <<
العلبه كامل كما بالصوره
ثم ناخذ اثنين من بسكوت الجالكسي ونبقي واحد كتزيين للوجه ونبشره مثل بشرنا للجبن ونضعه على وجهه البسبوسه وسوف تذوب وتعطي طبقة رائعه من الكاكاو
ثم ندعها تبرد جيدا ونضعها في الثلاجه وبعد مانتاكد انها بردت
ناخذ بسكوت الجالكسي الاخير< الثالث > ونبشره على الوجه كتزيين
وهذا هو الشكل النهائي
ملحوظه ضعوا بسكوت الجالكسي بالثلاجه قبل ماتبشرونه عشان تسهل عليكم عمليه البشر لانه بيكون بارد وماراح يذوب بيديكم
جربوها يابنات وادعولي ترى طريقتها سهله بس انا فصلتها لكم عشان تسهل عليكم
صحه وعافيه عليكم
جربوها برمضان
