molten cake او كيكة الشيكولاته السايحة هي حلي شهير جدا بيقدم في المطاعم والكافيهات زي تشيليز وابل بييز انا وجوزي بنعشقها طبعا وشفت لها كذا طريقة علي النت وانهرده جربت اسهلهم وهتشوفو النتيجة
المقادير
150 جم شيكولاته اي نوع تفضليه +100 جم زبدة يسحو في حمام مائي
(انا استخدمت جلاكسي الغامقة وهيرشي النصف محلاة)
3 بيضات+فانيليا+ربع كوب سكر+م ك دقيق+م ص بيكينج باودر
يضرب البيض جيدا جدا لمدة 3 دقائق متواصل علي الاقل لغاية ما يتضاعف حجمه
يضاف السكر بخفة ويضرب تاني لغاية ما يصبح ابيض وهش جدا
تضاف الفانيليا ثم الشيكولاته بمنتهي الحرص والخفة ومن هنا نبدا نستخدم المعلقة او السباتيولا (لا تستخدمي المضرب) ثم يضاف الدقيق المخلوط االبيكينج باودر ويخلط بخفة شديدة
ينقل المزيج لدورق لسهولة الصب في القوالب
(تستخدم القوالب الفخار او صينية الكب كيك مع وضع ورق البليسيه بس انا استخدمت قوالب فويل عشان اوفر غسيل المواعين
)
تخبز في فرن 200 لمدة 10 دقائق مش اكتر لغاية ما بتماسك الوجه فقط
وهتكون كده (انا طلعتها من الفرن وهي سخنة جدا فهبطت شوية بس هي كانت مرتفعة )
طبعا ده مش اثر في الطعم الوهمي كلها شيكولاته سايحة من جوة ويا سلام بقي لو مع بولة ايس كريم فانيليا وصوص شيكولاته
ايه رايكم بقي تعذيب في تعذيب؟!!!!!!!!!!!!!!!!!!!
اشوفكم بخير
مين موضعيف امام الشكولاتة
بس تصورى تشبه كثير طريقة البروانيز وفعلاً كل ماتققلى الدقيق وتزيدى الشكولاتة بتكون روعة
والف عافية عليكم
وتستحق التجربة
واحلى تقييم لعيونك وحالا الوسام
شكلها ما شاء الله شهى جــــــــدا..
ولا كافى 5 نجوم..
احلى تقييم لك يا قمررررر..
روووووعة و اكيدالطعم جنااااااااان
لك ودي و تقييمي حبيبتي
هههههههه
تسلم ايدك حبيبتي وماشاء الله الشكل يجنن
يعطيك الف عاافيه .. احلى تقيم
مين موضعيف امام الشكولاتة
بس تصورى تشبه كثير طريقة البروانيز وفعلاً كل ماتققلى الدقيق وتزيدى الشكولاتة بتكون روعة
والف عافية عليكم
وتستحق التجربة
واحلى تقييم لعيونك وحالا الوسام
هي فعلا تشبه البراونيز وساعات بيسمو الكيكة دي في المطاعم Brownies Fudge براونيز فادج لان قلبها بيكون طري جدا وقائمة اصلا عي الشيكولاته والبيض
ان شاء الله تجربيها وتعجبك والف شكر علي كل شئ