صار لي والده شهرين الحمد لله
و طبعا تهت بتجيزات البيبي خصوصا انه اول واحد و إذا تبين الصدق الثاني ما اظنه يحتاج شيء
نبدأ اول بالملابس
شوفوا حبايبي الكل قال لي لا تكثرين تراه يكبر بسرعه و ما يمديه يلبسه
و سمعت كلامهم و توهقت
لقيته الله يصلحه يرجع ( يستفرغ ) و حركات الاستهبال إذا فتحت البامبرز طلعت لك نافوره
فما كفت ابد رغم اني في بيت اهلي و الشغاله تغسل وراي و اضطريت اشتري زياده
المهم
تحتاجين
6 بدل صيفيه
5- بدل كامله
6 مرايل انتبهي لا تاخذين ربط ابد ما تنفع خوذي اللي فيها لزاق
2 شراب
بس لا تاخذين حق المواليد يطيح و ما القاه الا بالفراش خوذي شرابات عاديه
اللي حصلتها مقاس 3 اشهر بس ما عليه اهم شيء يدفا
2 قبعتين
^
^
^
هذول اخذتهم من مذركير ممتازين
لبس استقبال واحد يكفي لأنك بتلسينه اياه شوي ما يمديه يوصخه ههههههههههههه
مهادات او ملفات او كوفله <<<<<< جبت كل اللهجات
تحتاجين 10 اقل شيء
بتقولين كثير بقول لك يا الله يكفون عن تجربه
و اختاري حجم شوي كبير
تلاقينها عند ستي بلازا جدا ممتازه
بطانيه
كمان من ستي بلازا
سرير
انا كانت عاجبتني السله شكلها حلو مرررره و تحسين انه طفل بداخلها
و بصراحه انا اخاف من الحامل حق السرير احسه بأي وقت بيطيح خصوصا ان ولد اختي قيد طاح مني و انا اسحبه بسريره
و فيه هذا بعد اعجبني بس قعب ما اشتريت
احسه عملي اكثر من السله و يستخدم فتره اطول و احسه امن للطفل
مصاصه
بتوهين من المصاصات انا اخذت وحده مقاس 0-6 اشهر بس طلعت كبيره عليه
جبت له مقاس ون داي و ناسبته الحمد لله
معقمه
الحقيقه اني ما اشتريتها بس جتني هديه
و قبل كنت اغلي رضاعاته بالقدر عشان تتعقم
رضاعات
وحده صغيره للمويه و الأعشاب
60 مل
و ثنتين كبار
120 مل
و احرصي تكور الرضاعه قزاز ابعدي عن البلاستك بالمره و لا يغرك شكله
دورت القزاز ما حصلت الا ماركة بايجون و ما فيها عيوب غير انها ما فيها رسمات يعني ما تفتح النفس
و ماركة بيبي حلوه لكن فيها عيب انه صعب تنظيفها بتقولون ليش؟؟
لأن في قاعدته دخله شوي يتجمع فيها الحليب
و انتبهي لمقاس حلمة الرضاعه لازم تكون سمول SMALL و افضل شيء (( بايجون )) البيضاء اضنها سيلكون
بس انتبهي لا تاخذين البنيه لأنها مع المص تلزق على بعض فما يطلع حليب
فرشاة تنظيف للرضاعه
وحده كبيره للرضاعه
و وحده صغيره للحلم حق الرضاعات
جربت حقت ( بايجون ) الثنتين مع بعض بسلسله حلوه و عمليه
قطن لتنظيف مكان الحفاظ
و مناديل مبلله
جريبت بامبرز و بيبي جوي حلوين بس جونسن ما عجبني
طبعا حفائظ
و افضل شيء بامبرز
فوط للتحميم
ثنتين إذا بتحممينه كل يوم عموما الفوطه ما تصغر يعني تعيش معه
خوذي قطن ناعمه
اخذت وحده من مذركير جدا ممتازه
شامبو
بودره
صابون جسم
مقص اظافر
فرشة شعر ناعمه
طاولة تغيير
يمكن تجيك هديه فلا تشترينها إلا بعد النفاس
فيه منها ارفف شكلها حلو و ممكن تحطينها بالحمام
و فيه منها ادراج و هذي افود لك بس الخشب احسه يتفتح مع المويه
اسفنجة التحميم
و بالنسبه للتحميم فهذي تسهل لك اياه مررررررررررره
اخذته من مذر كير
صابون لغسيل الملابس
احسن شيء الوزير
كريم ضد التهاب الحفاظ
استخدميه مع كل تغيير او اقل شيء مره باليوم
مدس
تستخدمينه اذا جاك ضيوف و اذا طلعتي فيه
و شنطة خروج
هذي اهم شيء و اللي عنده إضافه تضيف
__________________
منقووووووووووووووووووووووووول
موضووع رااائع
مشكوووره ع النقل
🙂
