حبايبى الحلويين والله العظيم كل كلمه بكتبها عن تجربتى انا
وبجد قررت افيدكم زى ما استفدت انا منكم ومش طالبه غير الدعاء
اولا انا زى زيكم كنت بعانى من مشاكل معينه زى حب الشباب الهالات السودا الشعر تفتيح الاماكن الحساسه
وهبتدى معاكم باول مشكله
حب الشباب
انا بشرتى دهنيه يعنى بحالات شويه تبقى حلوه وشويه فيها حبوب
بالنسبه للحبوب انا استعملت صابونه اسمها tri tect بجد تحفه من اول يوم
وبدهن بليل على الحبوب كريم اسمه فيوسيدين الصابونه ب 10ج والكريم برضه
بس والله تحفه من اول يوم استعملتهم والله ما فى اى حبوب نشفت تمام بس طبعا فى اثر بنى كالعاده وده بقى استعملتله كبسولات زيت جنين القمح
بفضى كبسوله على وشى كل يوم قبل النوم وبدهن وشى كله والنتيجه ما شاء الله
اثار الحبوب فتحت نعمومه رهيييييييييييييييييييبه الهالات السودا اختفت وبتشد البشره وانا عامله موضوع عن فوايد زيت جنين القمح اقروه وعلى فكره انا بدهن الزيت على ايدى كمان
دى كانت اول مشكله
طب وتانى مشكله
تفتيح الاماكن الحساسه والخطوط الحمرا والبيضا بالجسم
الخلطه دى والله من تجربتى بعد ما استخدمتها توحيد لون البشره فى الجسم الخطوط الحمرا اختفت والبيضا ابتدت تختفى بس الحمرا راحت علطول
الخلطه هيه
نص علبة فازلين وعليها معلقة زيت خروع ومعلقة زيت لوز ومعلقة جلسرين وتخلطيهم وتدهنى منهم كل يوم تحت والمؤخره والركبه
انا مش هكمل المووضوع غير لما اشوف الردود نكمل الموضوع بقى انا هكمله فى نفس المكان عشان الناس متوهش
المهم بالنسبه للاماكن الحساسه اهم حاجه وانتى بتاخدى شاور متدعكيش اوى بشويش خالص خالص عشان مترهلش النتيجه بتاعت الخلطه للاماكن الحساسه بتبان النتيجه من تلات ايام لاسبوع
نخش على تالت حاجه وهيه تفتيح البشره
انا جبت صابونه حلوه اوى اسمها داى لايت بستعملها مره واحده او مرتين فى اليوم لانى بتاثر من الشمس اوى 
طيب بالنسبه للمشكله الى بتعانى منها بنات كتير وهيه صغر حجم الصدر
هاتى زيت حلبه وخدى معلقه واحده عالريق وكلى بعدها بساعه بجد تحفه عن تجربتى برضه يا جماعه كل حاجه بكتبها
ووصفة التقشير والصنفره الى بعملها لرجلى وايدى واى حته فى جسمى ما عدا الحساسه هى
زيت زيتون وملح وليمون وتفركى خمس دقايق وبعدها بتغسلى جسمك بميه بس وتدهنى كريم ايفا بالجلسرين
بالنسبه بقى للشعر الى فى الجسم انا بعمل تجربه كده وهقولهالك اخر الشهر
استنونى
:00000 3254:
بس ردوا الاول
حبايبى الحلوييييييييييييييييييييييييين
تجربه كمان عملتها ومكتبتهاش غير لما جابت نتيجه مرضيه الحمد لله
وهيه خاصه بالرموووش
بصوا بقى انا رموشى تقريبا كانت اختفت بسبب الاى لاينر لانه بلاستيك وده طبعا بيبهدا الرموش
المهم انا قريت وصفه حلوه قلت اجربها
جبت نوى اربع تمرات وسخنتهم لغاية ما اسودوا واتحمصوا وبعدها طحنتهم وحطتهم على نص علبة زيت خروع اصلى وبحطها على رموشى مرتين فى اليوم الحمد للهرموشى طولت وابتدت تنبت تانى والنتيجه بانت فى اسبوع المهم هيه بتتعمل شهر كامل بس الحمد لله بانت عندى بسرعه
انا يا بنات بعمل كمان حاجه حلوه اوى كل يوم لازم اشرب عصير برتقال فريش بيتى يعنى بجد بتحسى بفرق طبعا لان الاهتمام بالغذا مهم جدا زى الاهتمام الخارجى
بالنسبه للابط انا بستعمل صابونة الكبريت يوميا تحت الابط بغسله بيها وهوه كمان فتح اوى الحمد لله
انتظروووونى فى الجديد ان شاء الله بعمل كام تجربه كده حلوه ان شاء الله 
وده الجزء الرابع
طبعا كلنا بنحتاج كل فتره نشد البشره شويه انا عملت ماسك
حلو اوى ولازم اقولهولكم طبعا
قطعة موز وعليها معلقة لبن وتخلطيهم وتحطيها على وشك عشر دقايق ماعدا العنين واغسلى وشك وادعيلى والماسك ده كفايه مره كل اسبوع او اسبوعين ولو فوق التلاتين مره كل اسبوع
الوصفه التانيه بقى للرجلين بجد بتنعمهم وتخليهم ايه
انقعيها فى ميه دافيه وحطى شوية شامبو وشوية ملح واعصرى ليمونه وسيبيه نص ساعه او تلت حسب المزاج
وبعدها نشفى رجلك واعملى خلطة السنفره الى كاتباها فوق وحطى رجلك فى كيس والبسى فوقيه شراب وسبيه ساعه كده واغسلى رجلك وحطى كريم والبسى شراب
هتعجبك موووووووووووت ان شاء الله
لازالة الشعر نهائيا انا بعمل تجربه دلوقتى بس مش عايزه اقولها غير لما اشوف النتيجه 
وبالنسبه للشعرى انا هعملكم ملف كامل ان شاء الله واستنونى هنزلكم الكريمات والشامبوهات والزيوت الى بستعملها كلها وخلاطتها يا رب تكون اضافه حلوه
السلام عليكم النهارده هحط الجزء الخامس معلش الموضوع طويل بس مش عايزه اسيب حاجه مكتبهاش
بالنسبه للكريمات الى بستعملها
للجسم والايدين والرجلين كريم جليسوليدالاحمر وعصره عليها نص ليمونه ومقلباه كويس وبحط منه كل يوم نعومه رهييييييبه وبييفتح جدا
للوجه انا بستعمل كريمات كتير بس حالا بحط الكبسولات وكريم ايفا بالجلسرين بس
ودى منتجات اوريفليم الى انا بستعملها
1
بودرة تلك جيوردانى
رول اون جيوردانى
انا بستعمل البينك حلو اوى مره كل اسبوعين كده
لوشن تفتيح البشرة الدهنيه بستعمله ايام الجامعه فالصيف
تندر كير بالكراميل 14
حلو اوى يا بنات للشفايف رهييييييييب مهما كان التشققات
مجموعه القدم الفضى 80 كريم + ماسك + جورب مرطب
انا جايبه الكريم بس
مجموعه tea tree
محلول منقى 39
جيل منقى ومنظف 29
زيت منقى 39
انا جايبه الجيل تحفه بجد اكتر حاجه بنصحكم بيها لانه بجد تحفه مووووووووووووووت خليت ناس كتير يجيبوه
طبعا لسه فى منتجات كتير انا مجرباها بس مش لاقيه صورها عالنت(الصور مش من عندى للامانه)
بس هكتبلكم اساميها ان شاء الله
فى الحلقه الجايه
لانى تعبت بس تعبكم راحه
بصوا يا بنات مش كله طبعا هيقدر يجيب منتجات اوريفليم بس لو عايزنى اكتبلكم اهم حاجات مقدرش استغنى عنها هوه التندر وغسول الشاى بجد للامانه
مساء الورد والفل والياسمين على احلى ياسمين وصفاتك جميلة وسهلة بس قوليلي اجيب كبسولات جنين القمح من فين وبكام وكمان الجلسرين اجيبه من فين وهو سائل ولا كريم
يعطيك ـآلعآفية على طرحك ـآلقيم
وبأنتظآر تكملة تجربتك بأذن الله ..
.
.
يعطيك الف عافيه
وبانتظار تكملة الموضوع
لاني بجد تحمست
كبسولات زيت جنين القمح بتتباع فالصيديليه ب 8 جنيه والجلسرين السائل يا قمر انا هجاوب على كل اسئلتكم الموضوع كبير ونفسى تستفادوا من تجربتى بجد
ان شاء الله هكتبلكم كمان كل الكريمات الى بستعملها سواء ماركات او غيره وهكمل فى المووع الاساسى برضه عشان يبقى متجدد ومتكامل