كيف خلصت ابني من عادة البول وهو نائم
حبيباتي وردات منتدى رجيم
الغاية من مسابقتنا هي الاستفادة من تجارب بعضنا في تربية اطفالنا
كيف خلصت ابني من عادة التبول ائناء النوم
اولا رح خبركم السبب ابني الاول وبعد ما صار عمره 3 سنين رجع يتبول وهونائم
مع انه اخوه الأصغر لا يتبول وهو نائم والسبب هو انا ليش؟؟
لأن بفترة اللي كنت عم عوده يترك الحفاضات وكنت صحيه بالليل حتى ابوله وقت نظف وما عاد يتبول
خلاص بس هو صار ينق بالليل ويبكي نحن ما نعرف شو فيه بس نطبطبله ليرجع ينام
بالنهاية خطرلي انه ممكن يكون بدو يتبول بس وقت خطرلي بطل يصحى بالليل فهملت الموضوع وتركته
بس وقت صار الموقف مع أخوه الاصغر فورا فهمت الموقف وصرت قوم ابوله
وفجأه صار ابني الكبير يتبول وهو نائم
الحل اللي قمت فيه :
اولا ابدا ما صرخت عليه ولا حسسته بالغلط بس هو يا عمري فهم وبس يصحى يلمس حاله وقت يكون مو مبلل حاله
يقلي ماما شوفي انا شاطر ما عملت شي .
ثانيا: السوائل بالليل ممنوعة يعني بعد ال7 مافي عصير او حليب او شاي
ثالثا : صرت اصحيه من نومه حتى أبوله ولازم يصحى مو ابوله وهو نايم
أول فترة صار يبكي وعذبني ويقلي ما بدي طبعا بدها طولة بال
قله معلش ماما يالله حبيبي خلاص قمنا وبعد فترة صار يقوم معي عادي لا يبكي ولا شي
طبعا مع الاستمرار يعني مو يوم اصحيه يوم لا كل يوم
ومرة سهرانين فهو لحاله صحي من النوم و قال بدي نونو
بصراحة فرحت انو تعبي جاب نتيجة و هلأ لله الحمد خلاص بطل يبلل تحته
ان شاء الله تجربتي تكون مفيدة وتستفيدو منها
الله يحميهم و يخلليك اولادك و ابوهم و يرزقك برهم كلهم
لا ابدا مو هادية وكتيير بعيط عليهم
بس هالموقف لازم حكمة
حلو نفس طريقتي تقريبا
انا البنت بصراحةما كسرة راسي 18شهر تركت الحفاظات وحدها
شكلك كتيير بتحبيها أكثر من اخواتها قصدي ههههههه
الله يحميهم كلهم يارب
