كيف تعودى طفلك على الاكل بمفرده 2024.

منذ الصغر تستطيع الام تعويد طفلها على الاعتماد على نفسه
والطفل حتى سن الرابعه لا يستطيع الاكل بمفرده ومسك المعلقه بطريقه صحيحه
بس مع التعود ممكن تخلى طفلك وهو عنده سنتين يستطيع ان يطعم نفسه وانتى بجانبه وبتوجيهات بسيطه جدا وبكده انتى هترتاحى وبردوه تعلمى طفلك الاعتماد على نفسه ولحد ما يوصل لسن الرابعه يكون بياكل بطريقه صحيحهدار
دار

بس لازم الاول تعودى الأولاد على مكان واحد للأكل ماينفعش الأوضه اللى بنام فيها نأكل فيها أو فى الصالون .

كمان عودى نفسك تحطى ملايه نظيفه او مفرش للاكل والطفل يقعد عليه

ولو اطفالك كبار شوية عوديهم يستخدموا المقشة والجاروف ويشيلوا بواقى الاكل لو وقع منهم على الارض

وانا بنتى من وهى عندها 10 شهور اشتريت لها مفرش بلاستيك يمكن غسله علشان نقعد عليه وهى بتاكل وهى الان عندها 14 شهر
وهى اتعودت اول ما اقول لها هاتى المفرش علشان ناكل تجرى علطول تجيبه وتفرشه واما انسى اقول لها تجرى هى تجيبه وتفرشه لوحدها ما شاء الله دار
دار

كمان جبت لها طقم للطعام من ايكيا كان حلو ونازل عليه تخفيض
كان 6 قطع من كل حاجه طبق مسطح وطبق غويط ومعلقه وشوكه وسكينه وكوب نفس اللون
بس للاسف الكوبايات وقعت منى وانا بحاسب وما اخدت بالى 🙁
فهى ليها طقم متعوده تاكل فيه وبتحبه جدا
دار

انا بغرف لها الاكل واقعد جمبها وهى بتاكل واما احس انها هتوقع على نفسها اعدل ايديها
والحمد لله هى مع الوقت قدرتها على مسك المعلقه واطعام نفسها اتحسنت شويه دار

بس خلوا بالكم الاطفال وهم بيطلعوا سنانهم الاماميه الافضل نجيب لهم معلقه سيليكون لانهم بيلقوا تعبانين جدا ولو المعلقه البلاستيك خبطت لثتهم بيعيطوا لانها بتوجعهم (نا مصوراها جوه الطبق الصغير)

وبعد ما بنخلص الاكل اخليها تمسك الطبق والمعلقه واخليها توديهم المطبخ واقول لها شاطره ايثو بتساعد ماما وهى بتفرح جدا دار وعلشان كده بقت بعد ما بتخلص الاكل تقوم لوحدها تودى الطبق للمطبخ وتستنانى اقول لها شاطره واصفق لها دار
دار

فكرة حلوة لتعود الطفل على الاكل
كنت اعمل مثلك مع صغاري لكن على قطعة قماش
راح اجرب بطريقتك بحول الله مع الصغير
موضوع رااااائع زهورة

حقول لاختي تعمل لولدها كدا
اسمو محمد وعمرو 10 شهور

يعطيكي الف عافيه دار

تسلموا حبيباتى الغاليات
ربنا يبارك فيكم وان شاء الله اما هم يتعودوا من وهم صغيرين اول ما يكبروا شويه هيعرفوا ياكلوا بدرى 🙂

بجد معك حق تعود الاطفال فى اشياء كتيرة

فى الصغر بيكون احسن وافضل بكتير

انا دلوقتى بعود بنتى انها تجهز معى الاكل على السفرة

وكمان تشيل معى بعد الاكل الله

فى بعض الاوقات اخليها تكنس وتغسل الاكواب

بس مع المرعاة انى برجع اعيد عليهم تانى

بس بشجعها واقول لها برافو شاطورة

زهورة الله يحفظك لها ويحفظها الك وتكون قرة عين لك ولابوها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top