فى لحظة كده يجى الشيطان يجرى عليك ويقولك 2024.

فى لحظة كده يجى الشيطان يجرى عليك ويقولك

شوف يا خايب ده عنده كذا وكذا وكذا وانت معندكش ربع اللى عنده

ربنا اداه كل حاجة وانت اهو مش لاقى حاجة

والمفروض يوصلك انك تقول كده

"ليه يارب اديته كل ده وانا بقالى سنين بدعى بربع اللى عنده ومرزقتنيش بيه ..يارب ده عنده كل ده وهو اقل منة ميت مرة فى الطاعة ..يارب ده بيعمل وبيعمل وانا طول عمرى بطيع وملتزم "

………………………………………….. .

ده سيناريو خطير جدا ممكن تقع فيه ده لو مكناش حصل

بيجرك لاخطاء رهيبة متتعدش ابسطها الحقد والغل و السخط على امر الله و غير وغيره

طيب خلينا نفكر بطريقة تانية كده

ربك لما خلقك يوم ماتولدت ..كان عندك ايه ؟؟

ولا حاجة ده انت حتى مكنتش تقدر تتكلم وتقول اللى فيك

تخيل بقا ربنا اكلك وشربك ونيمك فى وسط اسرة بتخاف عليك و رباك وكبرك و رزقك بحاجات مرزقش بيها غيرك كتير

كان ممكن تبقى كفيف.. ..اصم .. ابكم ..متقاعد .. وغيرها كتييييييييييييييييييير ربنا نجاك منها

و دلوقتى كبرت .. عندك اكيد حاجة اللى حواليك بيتمنوها و بيقولو يا بخته عليها

هما كمان كل حد عنده حاجة مش عندك

هو ده التوزيع العادل للنعم اللى ربنا كتبه لينا

المشكلة بقا انك بدل ما تحمد وتشكر ع النعم

ماسك فى الحاجة اللى عندك غيرك و متبت فيها والا عاوزها ومش هعيش من غيرها

طيب مسألتش نفسك غيرك سعيد ليه ؟؟

عشان هو عارف انك احسن منه فى حاجة بس راضى وحامد بالحاجة اللى عنده

………………………………………….. ….

نبص بزاوية تانية

انت قلت ده انا احسن منه و قريب من ربنا اكتر وهو فى حاجات كتير بيعملها غلط انا مبعملهاش بس ربنا رزقه كتير اوى وزرقه واسع غيرى انا

شوف يا عم الموضوع ليه نواحى كتير اوى بيتحسب بيها

اولا ..ربك اذا احب عبدا ابتلاه *_* ايه ده ؟؟

يعنى ربنا بيحبك .. يابن الذين ده انت محظوظ

عاوز دليل .. دليل اهو زى عين الشمس

سيدنا محمد حد يقدر ينكر انه احب الناس الى الله

طيب سيدنا محمد حد يقدر ينكر كم المتاعب والاذى اللى اتعرضله

ده معناه ان ربنا مش بيحبه ؟؟

حاشاه

يبقى اول فايدة اهيه ان رب العباد "بيحــــــــــــــــــــبك "

ثانيا

قوله تعالى : ولا يحسبن الذين كفروا أنما نملي لهم خير لأنفسهم إنما نملي لهم ليزدادوا إثما ولهم عذاب مهين

حاشا لله اننا نكون بنقول على حد كافر من الناس اللى حولينا وقرايبنا طبعا

انا بس بوصل معنى ان مش كل خير ورزق وراه حب من ربنا انما ممكن اوى اوى يكون اختبار او عذاب

مش عاوزة اطول فى الخزئية دى بس المهم يوصلك ان ربنا مش لازم يرزقك كتير عشان يبقى بيحبك بالعكس

ده الحديث بيقول " أن الله ليحمي عبده المؤمن الدنيا وهو يحبه كما تحمون مريضكم الطعام والشرا ب "

ثالثا اكيد سمعت الحديث اللى بيقول

"( إن الله عز وجل ليقول للملائكة انطلقوا إلى عبدي فصبوا عليه البلاء صبا فيحمد الله فيرجعون فيقولون يا ربنا صببنا عليه البلاء صبا كما أمرتنا فيقول ارجعوا فإني أحب أن أسمع صوته"

الله ..رب العباد يحب ان يسمهع صوتك

فما حرمك الا لانه يحبك

يعنى الخلاصة بقا ايه ؟؟

ان مش كل عطاء خير ومش كل منع شر

ارضانا الله وياكم بما قدر لنا

احبكـــــــــــــــــم فى الله

=====================

امين ياارب

الله يجزاكـ خير حبيبتي

بجد بيصير شي مثل كذا بنفس الانسان احيان بس م يصير نفكر كذا انتي معاكي حق

دار

جزاكي الله الف الف خير على الكلمات الجميله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top