جيت الكم بطلب واتمنى لا تفشلوني
يا ريت اللي عندها طريقه مضمونه وجربه لعمل كعك العيد
وانا سمعت انه في طريقه تنعمل بالقشطه بس عمري ما جربتها
اسالكم بالله بنات اللي عندها طريق تكون مضمونه ترد علي نفسي اعمل مره الكعك ويزبط معي الا يكون في شيء غلط
ولكم الف شكر وجزاكم الله كل خير
لا تفشلوني انا بانتظاركم ولا تقولولي شوفي جوجل انا حابه طريقه اكيده ومضمونه لان الطرق معظمها مكتوبه بالجرامات وانا مالي عليها
كعك العيد
انا ما بعرف بالقشطة بس بحط الطريقة الي بعملها ( المتعارف عليه بين ربات البيوت
والحمد لله كل سنة الكعك بكون طري وطيب والكل بحبة
اهم شي المقادير الناشفة حبيبة قلبي شهريار
كيلو ونصف سميد (الفرخة ) ناعم
2/كوب طحين ابيض محسن
نص كيلو سمنة + قالب زبدة
====
الحشوة
بالجور كيلو مع نصف كوب سكر القرفة والقرنفل والمستكة والمحلب
او التمر مع الكلفة قرفة قهوة رشةصغيرة قرنفل
الفستق الحلبي يمزج بالعسل ماء الزهر
طريقة العجينة
السمنة تذاب وتذاب معها الزبدة تبس السميد ويفرك جيدا قبل يوم من العمل
عند عمل الكعك
نضيف علبة قشطة انا بستعمل القشطة هون اذا كان هذا قصدك
معلقة مستكة مطحونة ناعم
معلقة محلب مطحون ناعم
فنيلا معلقة كبير
بكينج باودر معلقة كبيرة
نصف كوب حليب جاف
4 /ملاعق ماء الورد
معلقة خميرة الخبز صغيرة
تفرك معا قبل اضافة الماء الدافي تخليل الاصابع وطريقة العجن نفس الطريقة وليس تجميع ودعك
تفريك ويتم اخذ نصف الكمية واضافة الماء الدافي عليها بتدريج حتى تصبح سهلة التشكيل
ومع المدة يمكن تحتاج الى اضافة ماء حتى تصبح طرية وسهلة التكشيل اما بالقالب واما بالملاقط التنقيش
انا بحب الملقط بطلع كتير حلو
وحجم الحبة زي ما بتحبي والافضل تكون صغيرة لان الضيوف بالعيد ما بحبوا الخربطة
يخبز على نار متوسطة الحرارة اذا كان فرن خبز منفصل
منخفض الحرارة يؤدي الى نشفان الكعكة
وبعد عمله الله يعطيك العافية ويبرد بترشي فوقة سكر ناعم
وان شاء الله الطريقة بتكون عجبتك وانا على استعداد لاي استفسار بدك اياه طبعا قبل متبلشي عشان اقدر اجوبك حسب الظروف على الخاص اسرع
انا اسوي في العيد بيتيفور ومعمول كثر شي
ان شاء الله بجربها وبردلك خبر ما قصرتي غلاتي تم النسخ
حبوبه ماما الف شكر على الرد حبيبتي ما قصرتي
وان شاء الله بكون كل شي تمام
وصحة وعافية
الف شكر وجزاك الله خير