عزيزاتي وردات رجيم كيفكن ؟ شووو أخباركن؟ اليوم جايبة الكن وصفة كتير سهلة وشهية
المقادير:
دجاجة مقطعة نصفين / بتقدري تزيدي الكمية حسب ما بدك
5 حبات بصل
حبتين ليمون
حبة فلفل حار
حبة فلفل حلو
حبتين بطاطا متوسطات الحجم
راس ثوم
كاتشب
شطة بلدية
ملعقتين خل
ملعقتين زيت بلدي
ملح وفلفل أسود حسب الرغبة اذا بتحبيه يكون حار
كل المكونات السابقة تخلط على المولينكس منيح بعدين تتبل فيه الدجاج بعد تنظيفه منيح مع عدم ازالة الجلد, وتوضع في صينيية ويوضع على جوانب الصينية حبتين بصل وحبتين بطاطا مقطعين أنصاف ,ثم تضعي ما تبقى من خلطة على الدجاج, ثم يوضع عليها القصدير وتوضع في الفرن على درجة حرارة 180 لمدة ربع ساعة بعد ذلك تخفف درجة الحرارة يكون متوسط لمدة ساعة وربع او لما ينضج الدجاج.
ملاحظة : كل ما ضل الدجاج في الخلطة لمدة اطول يبقى الطعم اطيب , يعني يتبل الدجاج على الاقل لمدة 8 ساعات
مكونات الارز والطريقة :
كاسين ارز بسمتي
حبتين بصل
حبة فلفل حلو كبيرة
حبتين جزر
بازيللا
فحم
راس ثوم
بهارات مشكلة: (فلفل اسود مطحون , بهارات كاري , (قرفة مطحونة وعيدان / دارسين), ورق غار , قرنفل , فلفل اسود حب , كمون , كركم , ملح, هيل مطحون )
كل المكونات السابقة حسب الرغبة , أنا عن نفسي بضع نصف ملعقة من كل نوع
الطريقــــة :
يحمر البصل ولثوم والجزر والفلفل في الزيت , ثم يوضع 4 كاسات من الماء حتى الغليان , ثم يوضع مكعبين الماجي والبهارات السابقة , وبعد ما تنضج المكونات يغسل الارز جيدا بعد نقعه بالماء الفاتر, ويخفف النار حتى ينضج , بعد ذلك تضعي فحم على النار ثم تأتي بزبدية تضعينها وسط الارز بعد ذلك تضعي مقدار ملعقة زيت زيتون على الفحم المولع وغطي الطنجرة جيدا حتى يمتزج الدخان المنبعث من الفحم مع الارز ليعطيه نكهة مميزة ومدخنة
يوضع في سدر ويتم وضع الدجاج عليه ويزين بالزبيب واللوز المحمـر
جربووووها كتيير لذيذة
لازم اجربها واقولك رأيي فيها
مبين عليها كتير طيبة
طاهية متميزة
يعطيكي العافية
انا شخصيا انتظر صحن من بين اديكي وبسرعة لأني جوعانة
