السلام عليكم ورحمة الله وبركاته…
صباح الخير…لان الوقت احين عندكم الفجر
طبعا صالونتي بحرينية بس اتفلسف عليكم فالعنوان
…يالله نبدي بسم الله ..
المقادير /
لحم قطع…اي نوع تحبون عجل او غنم او ….انا مادري شنو شريت..بس هو كله نفسه اشتريه من المحل المسلم
كوبين عيش ( طبعا على حسب حجم العائلة..احنا بس 2 نفر
)
بطاطس مقشرة ومقطعة , بصل , ثوم , ورق غار , طماط , صلصة طماط , جزر واي خضرة تحبونها + بهارات وملح..
الطريقة / ( انا ماعندي جدر الظغط pressure *****r فطريقتي مطولة شوي
)
1-اولا نفوح اللحم في الماي ويا نص ملعقة صغيرة ملح + 3 حبات من ورق الغار وعلى حسب ذوقكم انا زوجي يحبه واايد + 3 او 4 حبات هيل + دارسين ربع ملعقة صغيرة + نص ملعقة صغيرة زنجبيل+ نفس المقدار ليمون اسود…واخليه يفوح ساعة..
2- بعد مرور الساعة…نحط الآلو ويا الجزر والخضرة اللي نبيها + طماط ويا الصلصة الطماط + باقي البهارات ( سنوت + كركم + بزار مخلوط + فلفل اسود + فلفل احمر مطحون واللي تحبونه) ونخليها تفوح ليما تلين الخضرة…وانا احب اعصر فيها ليمون فالاخير..
3- في هذي الاثناء نسوي العيش الابيض.ونحط فيه نص ملعقة صغيرة ملح..على حسب عيشي لان احسه مالح من نفسه..
..بس ماصورته…
4- تفضلوا الصور النهائية..عليكم بالعافية…
يسلموووووووو ايديكي حبيبتي
تسلم الايادى وشكرا لكى على الاكله
شـكــ وبارك الله فيك ـــرا لك … لك مني أجمل تحية
تسلـــــــــــــمـ ديـــــــــــــآتكـ..~
