شوف موضوع لأختى بنت اسكندريه ربنا يكرمها فكرنى بيها
قولت أعملها لانى تعبانه وسخنه شويه فصورتها لكم
هى أكيد أكيد أكيد سهله بدام أنا عرفت أعملها ههههههههه
قلت بدام أنا إللى هكلها لوحدى أعملها ومحدش هيعرف حاجه لو باظت
بس طلع طعمها تحفه تحفه وسهله جدا
أخليكم مع الصور والشرح
أول حاجه وقبل أى حاجه يكون عندك شوربه سواء شوربه لحمه أو فراخ حسب ما تحبى
نحمر شويه شعريه مع معلقه صغيرة سمنه
وده علشان مش تبقى سمينه وكمان علشان هحطلها شوربه
فضلت أقلبها لحد ما أخدت اللون الذهبى
بعدين ضفت عليها الشوربه أنا أخترت شوربه لحمه طبعا هتسألونى ( المبتدئات بس ههههههه ) هى لونها محمر كده ليه ؟
هقولكم مامتى ربنا يباركلى فيها بتحطلها ملعقه صلصه طماطم قبل ما تطبخ أى أكله بالصلصه
هى كانت بتحطلها طمطمايه بس مش كانت بتبقى حلوة وشكلها جميل زى الصلصه
شوفوا شكل الشعريه إيه قبل النضج ………… إتعلموا
ودى بعد النضج إستوت خلاص والحمدلله بنتذوقها إذا كانت عايزة ملح ولا لا لان الشوربه كان فيها ملح
غرفتها فى الطبق وعصرت عليها ليمونه كامله علشان البرد وأنا بحب طعم اليمون عليها
وده كان غدائى النهارده
أكلتها وأكلت طبق كمان زيه
إن شاء الله تعملوها وتدعولى
جزاكم الله خيرا
وبالهنا والشفا .. ان شاء الله
شكلها جميل حبيبه
تستاهلي الوسام ياقمر
أختى كلمه الصدق
على ردك الجميل
وإن شاء الله تكون إستفدتى حاجه ههههههههه
أكيد حلوه لانك عملتيها لنا خصيصاً
انا حاجزه طبق طبعاً
أختى أم روان
على ردك الجميل
ومرورك الرائع
