اخواتي الحبيبات اللي بيعملوا دايت ومحتاجين اكلة صحية ومشبعة في نفس الوقت يتفضلوا 
اولا الفريك والبرغل والارز البسمتي من احسن بدائل الارز الابيض 
يحتوي علي نسبة عالية من الالياف والمعادن ونسبة اقل من النشويات وهو المطلوب لمرضي السمنة ومتبعي الرجيمات وكذلك مرضي السكر
يساعد في تجنب امراض الضعط المرتفع
والان اقدم لكم من مطبخي شوربة الفريك بالدجاج
كوب فريك
يغسل جيدا وينقع من بليل حتي تاني يوم
شوربة دجاج او لحمة مضاف اليها حبهان وفلفل اسمر وبصل وورق غار اثنائ سلق الدجاج
معلقة بودرة كاري
معلقة صلصة طماطم او كوب عصير طماطم
بقدونس او كسبرة انا استخدمت بقدونس
فص ثوم مهروس ناعم
ماء سخن لو احتاجناه
نبدء نضيف الفريك مع الشوربة ونتركها تغلي ولو احتاجت نضيف شوية ماء بس ساخن
وبعد متدخل في السوا نضيف الصلصة والبقدونس
وبعد كده نضيف الثوم
ممكن نضيفوا القرفة او اي توابل تانية
ونتركها تنضج
وبعد كده نضيف قطع الدجاج المشوي او المسلوق
هذا شكلها بعد النضج مع توست سن
اتمني تجربوها وهتعجبكم جدا ولو لو لو لو لو لو لو
000000000000عجبتكم لاتنسوا التقييم حبيباتي
ما شاء الله شكلها الاحمر حلو قوي
انتى شطورة يا دندن
ياتري طعمها عامل ازاي اوصفهولي
لان اول مرة اشوفها وعندي فريك وبصراحة مش عارفة استخدمه في ايه
ياريت لو عندك وصفات للفريك ابعتيهالي
تستاهلي احلى تقييم طبعاااااااااا بدون كلام
انا بحب الفريك جدا وهذه الطريقه شكلها رائعه عجبتنى جدا وان شاء الله اجربها فى اقرب وقت
بارك الله فيك والتصوير ما شاء الله مميز
فى انتظار المزيد من اكلاتك الرائعه , تقبلى تقيمى 🙂
تسلم الايادى يادندونه
شكلها شهى وجديده
احلى تقييم ياقمر
فى انتظار جديدك
🙂
ماشاء الله عليك يادندن هاي شوربتي المفضلة بس انا بعملها بدون كاري وصلصة
بجربها بطريقتك يسلمو
