اخباركم
امس نزلت موضوع عن غدانا وما كان عندي وقت احط الوصفات
غدانا اليوم حياكم
ولعيون الغاليات الي طلبوني قلت لاازم انزل الوصفات يارب تعجبكم
بسم الله نبدا بالرز في الفرن سهل والنتيجه رووعه حتى اليم ا تعرف تسوي رز بتسويه وهي مطمنه ع النتيجه
[COLOR="rgb(0, 100, 0)"]المطلوب
رز مغسول ومنقوع ثواني في مويه حاره وملح ونغسله مره ثانيه عشان الطعم ويكون مفلفل
بهارات صحيحه {قرفه -هيل -قرنفل }
ثوم مفروم زيت
اول شي في صينيه للفرن تحطي الثوم والبهارات كلها وتحطي الزيت وتخليها شوي لين تطلع ريحه الثوم وتحطي عليها الرز وتقلبين لين ما تحسين ان الرز بدا يتقلقل تحطين مويه حاره وملح او ماجي وتشيلي الصينيه تكمل استوا في الفرن بعد ما تسكرينها بالقصدير 
نجي للدجاج بخلطتي الخاصه
:
هذي البهارات تبع الدجاج
نقطع الدجاج مع الكوسه تكون قطع كبيره يعني ارباع فقط
نحط في وعاء غميق كل من دبس الرمان صلصه صويا خردل صلصه خاصه بالدجاج حاطتها بالصوره وهذي اختيار بس تعطي الدجاج طعم روعه وبودره الثوم وبهارات وكاري وكتشب عصير ليمونه وفلفل يعني كل البهارات الي عندك تحطينها طيب وتقلبين الدجاج والكوسه مع بعض
في صينيه الفرن نحط اول شي طبقه من البصل والطماطم
وثوم من غير ما تفرمينه ونرص الكوسا والدجاج وننثر فوقها سمسم وزعتر وكمون مو مطحون
والوعاء الي فيه الخلطه نحط فيه شوي مويه ونصبها ع جنب الصينيه مو من فوق الدجاج عشان الخلطه ما تروح منه
لا تحطون زيت بيكفي الدهن الي بادجاج والي تبي تحط راجع لكم 
نحطها مع الرز في الفرن وكل ما احتاجت مو يه نصب وانتبهو من صواني البايركس لازم تكون المويه حاره عشان ما تنكسر 
اخر شي البطاطس بالبالشميل
بطاطس مقطعه مكعبات ومقليه بالزيت
نعمل البشاميل زي ماتعودتم ونحط كل انواع الجبنه شيدر جبنه موزريلا جبنه سايله
ونصبها عالبطاطس في صينيه الفرن ونحطها مع الصواني
وبكذا عملنا اكثر من صينيه في نفس الوقت
وسلامتكم اتمنى اكون قدرت اشرح لكم بالتفصيل
عاد استر وما واجهتم 
[/COLOR]
شكل الاكل جد يدوخ
الله يديمها نعمة عليكم حبيبتي
تم النشر و التقييم
طباخة ماهرة الله يخليك
تسلمي على الافادة تم التقيم
هايل
5 نجوم
تسلم ايدك ..شكله الاكل رووعه جوعتيني
احلى تقيم
تقبلي تقييمي البسيط لروعة ما عملته يديك
