حكايتي مع تحويل المعدة 2024.

قررت اشارك بقصتي مع تحويل المعدة لان معظمنا بيخاف من العمليات و من تاثيرها على المدى البعيد رغم ان يوم العملية بالنسبه لي بقي يوم عيد ميلادي الجديد..

انا طول عمري طفلة بتعمل رجيم بسبب السمنة و بخس و افضل شوية كويسة و بعدين ارجع اكثر من الاول. انزل اشتري لبس، ملاقيش مقاسي، لازم اخد بالي من اكلي حتى لو مش عاملة رجيم، سني صغير لكن صحتي مش كويسة، كسلانة، مش سهل اتحرك، مش سهل اخرج مع صحابي، كل ده غير الضغوط الاجتماعية اللي بتواجها اي بنت من مجتمعنا بسبب انها مختلفة و تخينة.

و انا عندي 15 سنة*قالولي اعملي*عملية تساعدني اوصل لاللي انا عايزاه، طبعا رفضت بشدة لعدة اسباب، اولا: خوف اني هعمل عملية. ثانيا: اعمل عملية ليه لما انا بعرف اخس اصلا (رفض تام لفكرة اني فشلت في الرجيم اكثر من 6 سنين في حياتي) ثالثا: و ده اهم سبب، اني بدأت في مرحلة "انا قابلة نفسي زي ما انا" و طبعا الحقيقة مكانتش كدة، الحقيقة كانت اني فقدت الامل و مش قادرة اعترف بكدة لاي حد ولا حتى نفسي. الاسباب دي فضلت معايا 4 سنين.

وفي نوفمبر 2024 وانا عندي 19 سنه اشوف الميزان اللي عنده اللي بكرهه هيقولي ايه، و لاول مرة اشوف نفسي شخص وزنه ثلالث ارقام، 111 كيلو. الصدمة كانت شديدة و في ثانية الاسباب اختفت من دماغي خالص و واجهت حقيقة اني بزيد كل سنة على الاقل 7 كيلو و في السنة دي كان اكثر من العادى، فكرت اني بزيد بس بسبب عادات اكلنا الغلط و طرق الرجيم الغلط و الانتقام بعد الرجيم. اخدت قرار العملية في نفس الحظة اللي اختفت فيها الاسباب، لان كان كفاية اللي بعملة في نفسي من ظلم لان كده حياتي بتنتهي

يوم الخميس اللي بعده علطول كنت في المستشفى، فاهمة اخطار العملية و مش خايفة لان دا بالنسبالي كان اخر حل.
1 الظهر دخلت العمليات، وبعد ساعه كنت في الغرفة تاني بعد ما اخدت القرار اللي غيرلي حياتي كلها. اول اسبوعين كانوا صعبين جدا، سوائل بس. عصير و شربة و مشروبات دافية، حاجات طبعا ولا كنت عمري اشربها من نفسي ابدا و كنت متضررة اني بشربها، بس في نفس الوقت لازم التزم لان دا اخر حل. المرحلة اللي بعدها كانت اسبوعين الفتافيت، مملة برده و مش سهلة و عايزة مضغ كويس و اكل بالراحة، حاجة واحدة هي اللي خلتني مكملة، شكلي كل يوم كان بيفرق عن اللي قبله و كنت كل يوم بقرب من اللي انا عايزاه.

6 شهور من الالتزام التام و وصلت لوزني المثالي 62.5 و طولي 173. باختصار، حياتي اتبدلت، صحتي احسن، شكلي احسن، سهل الاقي مقاسي و اختار براحتي، عندي طاقة و نشاط باكل كل حاجه ووزني ثابت. وبعد 8 سنين من الجراحه ولسه وزني ثابت. في جراحات كثير تنزلنا في الوزن اول سنه او سنتين بس قليل جدا الي يستمر طول العمر زي تحويل المعده بطريقه الدكتور خالد جودت

أنا أتولدت من جديد يوم الجراحه وباحمد ربنا اللي هداني لعملها

ما شاء الله منه
شكرا لانك شاركتينا تجربتك الله يوفقك

بالتوفيق حبيبتى
ربنا يسعدك وشكرا لمشاركتنا تجربتك

ما شاء الله عليك
الله يحفطك اختي
تسلمي على الموضوع وقصتك الرائعة في التخسيس

شكرا ليكم كلكم 🙂
لو في حد عنده اي استفسار انا موجودة دار دار

ماشاء الله تبارك الله

اللللف مبروك حبيبتي

وشكرا لانك شاركتينا قصتك وتجربتك

يارب دايما مبسوطة وسعيدة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top