كان عندي مناسبة امبارح و طلبوا مني في البيت اني اعملهم تورتة فعملتها وجبتلكم الطريقة لكن سامحوني ماقدرتش اصور المكونات علشان الوقت كان ضيق والدنيا كانت زحمة عندي انا عملتها حسب طريقة ماما ماعلمتهالي ودي تقريبا خامس مرة اعملها
المقادير:
1 . كوبايتين دقيق
2 . اربع بيضات
3 . كوباية سكر ناعم
4 . معلقة كبيرة نشا
5 . معلقة بيكنج بودر
6 . معلقة كبيرة فانيليا
7 . باكو شيكولاتة مطبخ
8 . 2 كيس كريم شانتي
9 . فواكه مقطعة او معلبة جاهزة
10 . كيس شيكولاتة اشكال
الطريقة :
نخلط الدقيق والبيكنج بودر والنشا مع بعض ونحط البيض والفانيليا والسكر في طبق تاني ونضربهم بالمرب الكهربائي ونفضل نضيف الدقيق تدريجيا ولكن هنا هنستعمل المضرب اليدوي او المعلقة الخشبية و نقلب لحد ما تتماسك وبعد كده نجيب صينية وندهنها سمن ورشة دقيق ونصب الخليط فيها وندخلها الفرن علي درجة حرارة 180 ويستحسن لو تسخني الفرن شوية قبل الخبز ونسيبها لحد ماتستوي بتاخد ساعة الا ربع تقريبا في الفرن وماتحاوليش انط تفتحي عليها الفرن كتير علشان ماتهبطش
بعد ماتستوي تخرجيها وتسيبيها تبرد وبعد كده تدخليها التلاجة لمدة ماتقلش عن تلات ساعات وبعد كده نخرجها ونقطعها نصين بالعرض علشان نحشيها
الحشو هنا بقا هايكون حسب رغبتك انا حشيتها كريم شانتي و دهنتها من برة نص كريمة شانتي ونص شيكولاتة سيحت الشيكولاتة وخلطتها بملعقتين كريم شانتي لحد ما اصبحت كريمة ودهنت نص ونص وبعد كده زوقتها شيكولاتة تزيين ودي بتكون علي هيئة اشكال مختلفة اوراق شجر او فواكه اوغيرها بتتباع فاي سوبر ماركت كبير و استخدمت كمان سيرم العسل الابيض وده عبارة عن شربات الحلويات العادية بس تعمليه تخين شوية وده استخدمته فلزق الفواكه وعمل اشكال بيه واستخدمت كمان قرطاس الكريم شانتي بتاع ماما بيعمل وردات واشكال جميلة للتزيين
وبعد كده حطيتها في التلاجة علشان المكونات تثبت عليها
وده شكلها النهائي
دعواتكم وسامحوني مرة تانية لعدم تصوير المكونات 
ممكن تعمليي وحدة حجم كبير ليوم الراحة هههههههههههههههههه
شو هالحلاوة وانا متل ام عبودي بدي قالب حجم عائلي لبكرة
ههههههههههههه احلى تقييم لأحلى شيمو
شكلها يشهي
تحياتى
